José Manuel Traba Fernández, nado en 1966, é un político galego do PPdeG.
Traxectoria Biólogo de profesión, exerceu como biólogo da confraría de Fisterra. Foi elixido concelleiro polo PPdeG en Fisterra tralas municipais de 1999. Accedeu á alcaldía de Fisterra en outubro de 2002 logo da morte repentina do seu antecesor Valentín Castreje. Nas eleccións municipais de 2003 nun principio logrou maioría relativa, subindo de 5 a 6 concelleiros, pero trala anulación dunha mesa pasou a ter maioría absoluta. Porén, non puido tomar posesión dado que o PSdeG-PSOE, grupo que perdeu un concelleiro trala anulación da mesa, e outras forzas políticas presentaron un recurso que obrigou a repetilas eleccións en dita mesa o 26 de outubro. Finalmente, os resultados confirmaron a maioría absoluta do PPdeG, polo que tomou posesión no mes de novembro. Obtivo de novo a maioría absoluta nas municipais de 2007. Foi deputado provincial na Deputación da Coruña dende 2009 ata 2011.
O 31 de xaneiro de 2011 foi detido acusado de corrupción na Operación Orquesta sendo posteriormente exonerado segundo as palabras do Fiscal "Estar baseadas as acusacións, en simples conxeturas, con falta de datos e interpretacións insuficientes". Nas municipais de 2011 volveu ser elixido alcalde con maioría absoluta. Nas municipais de 2015 perdeu a maioría absoluta, empatando a concelleiros co PSdeG-PSOE, e cedeulle a alcaldía ó socialista José Marcote Suárez. Nas municipais de 2019 volveu selo candidato do PPdeG pero non logrou recupera-la alcaldía.
Véxase tamén Outros artigos Eleccións municipais en Fisterra
Ligazóns externas Noticia en Faro de Vigo Perfil en La Voz de Galicia
Categoría:Alcaldes de Fisterra Categoría:Alcaldes de Galicia polo PPdeG Categoría:Nados en Fisterra Categoría:Alcaldes de Galicia durante a democracia Categoría:Nados en 1966 Categoría:Personalidades de Galicia sen imaxes