Modesto Bará Álvarez, nado en Pontevedra en 1898 e finado na mesma cidade o 15 de xaneiro de 1973, foi un xornalista galego.
Traxectoria Iniciou os seus estudos no seminario de Herbón, e despois seguiu as carreiras de Maxisterio e Veterinaria. Nos seus primeiros anos foi profesor de latín e despois colaborou en El Pueblo Gallego, Diario de Pontevedra, El Progreso e Faro de Vigo, máis tarde desempeñou o cargo de director de Galicia Nueva, de Vilagarcía de Arousa e dirixiu as revistas Hebe e Alborada. Defendeu a orixe pontevedresa de Cristovo Colón, expoñendo as súas teorías en distintos artigos e traballos. En 1916, cando as Irmandades da Fala, convértese en comentarista innovador do rexionalismo tradicional. Entre 1917 e 1919 aparece vinculado ao círculo agrario pontevedrés que edita La Raza, periódico do que chegou a ser propietario. Foi membro titular do Instituto de Cultura Hispánica e colaborou en numerosas publicacións suramericanas.
Vida persoal Casou con Irene Temes Diéguez coa que tivo cinco fillos, entre eles o químico Salvador Bará Temes.
Véxase tamén Bibliografía Dicionario biográfico de Galicia, t. 1, p. 90.
Categoría:Xornalistas de Pontevedra Categoría:Nados en Pontevedra Categoría:Nados en 1898 Categoría:Finados en 1973