Juan Larrea, nado en Bilbao en 1895 e finado en Córdoba, Arxentina, en 1980, foi un escritor español en francés e castelán.
Traxectoria Licenciouse en letras e ingresou no corpo de arquiveiros, pola súa amizade con Gerardo Diego e Vicente Huidobro interesouse pola poesía, que sentía como un refuxio fronte ao mundo mediocre que o rodeaba. En 1926 marcha a París e con César Vallejo funda a revista Favorable-París-Poema, viaxa por América e estuda as culturas precolombianas con fervor. Trala guerra civil española exilíase definitivamente en América.
A súa escrita poética, na súa maior parte en francés, é debedora das vangardas, en especial do surrealismo, no que amosa unha audaces imaxes e un irracionalismo radical cunha sintaxe lúcida e clara.
Categoría:Escritores do País Vasco Categoría:Escritores en lingua castelá Categoría:Escritores en lingua francesa Categoría:Nados en 1895 Categoría:Nados en Bilbao