Manuel Guillermo Varela Flores, nado en Lugo o 25 de xuño de 1950, é un político galego do PSdeG-PSOE.
Traxectoria Licenciado en Dereito e enxeñeiro técnico agrícola, é funcionario do catastro. Nas eleccións locais de 1983 foi elixido concelleiro do PSOE na cidade de Lugo, asento que revalidou en 1987 e en 1991. O posto de concelleiro simultaneouno co asento no Pazo do Hórreo, para o que saíu elixido nas autonómicas de 1985.
Sen deixar o asento de concelleiro, abandonou o posto de parlamentario para saír elixido como deputado no Congreso nas Xerais de 1986, posto que revalidaría en 1989 e 1993. Aos comicios seguintes mudou de Cámara, e foi elixido senador nas Xerais de 1996, ao encabezar a lista do PSdeG-PSOE pola provincia de Lugo. Permaneceu na Cámara Alta unicamente unha lexislatura, e abandonou o escano coa convocatoria electoral do ano 2000. Entre os anos 2005 e 2009 foi Director Xeral de Relacións Parlamentarias na Consellería de Presidencia que encabezaba José Luis Méndez Romeu.
Logo da derrota electoral do PSdeG-PSOE en 2009, en 2010 foi designado conselleiro da Comisión Nacional do Sector Postal.
Vida persoal Estivo casado e ten catro fillos.
Véxase tamén Outros artigos Lista de deputados galegos no Congreso desde a Transición Lista de senadores galegos desde a Transición
Ligazóns externas Ficha no Congreso dos Deputados Ficha no Senado
Categoría:Senadores por Lugo Categoría:Deputados no Congreso dos Deputados pola provincia de Lugo Categoría:Deputados do Congreso dos Deputados polo PSOE Categoría:Deputados do Parlamento de Galicia polo PSdeG-PSOE Categoría:Nados en Lugo Categoría:Nados en 1950 Categoría:Deputados da II Lexislatura do Parlamento de Galicia Categoría:Personalidades de Galicia sen imaxes