Ewin, tamén coñecido como Eoin ou Euin (morto sobre 595) foi un nobre longobardo que foi duque de Trento a finais do século VI. Traxectoria Paulo Diácono non fornece indicacións precisas sobre o momento do seu nomeamento como duque de Trento, pero é probábel que a súa toma de posesión fose xusto despois da institución dos ducado por parte dos longobardos, logo da conquista da Italia setentrional (568-569). É posíbel que fose o primeiro duque de Trento; o seu reinado é seguro na época do Período dos duques (574-584), cando os longobardos renunciaron a teren un soberano. Paulo Diácono cítaoPaulo Diácono, Historia Langobardorum, II, 32. entre os cinco duques máis importante dese período de interregno.
Algúns historiadores considérano o primeiro fundador da unidade territorial do Trentino. En particular deu detido as razzias dos francos e bávaros, guiou con éxito unha expedición a Istria e firmou a paz cos francos en 590.
Notas
Véxase tamén Bibliografía Paulo Diácono, Historia Langobardorum (Storia dei Longobardi, Lorenzo Valla/Mondadori, Milán 1992). Jörg Jarnut. Storia dei Longobardi. Turín, Einaudi, 2002. ISBN 8846440854. Sergio Rovagnati, I Longobardi. Milán, Xenia, 2003. ISBN 8872734843.
Categoría:Duques de Trento