Castor García Fernández, nado en Viana do Bolo o 20 de marzo de 1813 e finado en Madrid o 17 de maio de 1891, foi un político galego.
Traxectoria Fillo de José Manuel García Araújo e Francisca Fernández Maldonado. Foi deputado provincial. Foi elixido deputado a Cortes polo distrito de Xinzo de Limia nas eleccións de 1865. Durante o Sexenio Democrático foi elixido deputado a Cortes polo distrito de Bande nas eleccións de 1871 e polo de Xinzo de Limia en abril de 1872. Na Restauración foi elixido senador pola provincia de Ourense nas lexislaturas de 1876 e 1877, deputado polo distrito de Verín nas eleccións de 1879 e polo de Ponteareas nas de 1881 e outra vez senador por Ourense en 1884, 1886 e 1891.
Categoría:Deputados de Galicia no Congreso dos Deputados Categoría:Senadores de Galicia Categoría:Nados en Viana do Bolo Categoría:Nados en 1813 Categoría:Finados en 1891