Anacardium é un xénero de plantas de flor na familia Anacardiaceae, nativa das rexións tropicais das Américas.
Distribución Estas especies atópanse nas Américas tropicais, dende México e nas Indias Occidentais até o Brasil e o Perú.
Descrición Árbores case sempre de pequeno porte ou arbustos sempreverdes, de copa estendida, que poden acadar 6–10 m de altura en cultivo, aínda que existen algunhas variedades ou especies de gran tamaño, como o Anacardium excelsum (Mijao) ou o Anacardium giganteum, que poden chegar a acadar 45 m de altura ou máis.
Follas simples, alternas, obovadas, de até 20 x 15 cm, glabras, co ápice arredondado, curtamente pecioladas.
Inflorescencias en panículas terminais de numerosas flores, de 10 a 20 cm de longo, masculinas ou femininas, o cáliz con 5 sépalos, a corola con 5 pétalos lanceolados alongados, de 7 a 8 mm de longo, averdados cunha faixa avermellada. Androceo con 10 estames.
Propiedades O froito é comestíbel en Anacardium occidentale e consta dunha parte carnosa (pseudofroito), de sabor acedo e adstrinxente, rica en vitamina C, polo que se cultiva é a noz ou anacardio, froito seco situado no extremo da parte carnosa e rico en proteínas e graxas.
Taxonomía O xénero foi descrito por (Herb.) G.Nicholson e publicado en Species Plantarum 1: 383. 1753. A especie tipo é: Anacardium occidentale Etimoloxía Anacardium: nome xenérico que deriva da palabra procedente do grego kardia = corazón, pola forma do seu froito.
En portugués coñécese a árbore como cajueiro, o froito é o cajú ou noz de cajúhttps://aplicacions.usc.es/buscatermos/publica/buscas/busca.htm#15526145.
Algunhas das especies Anacardium amapaense Anacardium amilcarianum Anacardium brasiliense Anacardium caracolii Anacardium cassuvium Anacardium corymbosum Anacardium cuneifolium Anacardium curatellaefolium Anacardium dubium Anacardium encardium Anacardium excelsum Anacardium fruticosum Anacardium giganteum Anacardium humile Anacardium kuhlmannianum Anacardium latifolium Anacardium longifolium Anacardium mediterraneum Anacardium microcarpum Anacardium microsepalum Anacardium nanum Anacardium negrense Anacardium occidentale (anacardio) Anacardium officinale Anacardium officinarum Anacardium orientale Anacardium othonianum Anacardium parvifolium Anacardium pumila Anacardium pumilum Anacardium rhinocarpus Anacardium rondonianum Anacardium semecarpus Anacardium solitarium Anacardium spruceanum Anacardium subcordatum Anacardium subterraneum Anacardium sylvestre Anacardium tenuifolium
Notas
Véxase tamén Anacardio
Ligazóns externas
Uso de A. orientale en homeopatía (en castelán) Páxina do A. occidentale (en castelán) Germplasm Resources Information Network: Anacardium