Gambarögn (Gambarogno in Italian) a l'è un cumün svizzer del distret de Locarn. in del Canton Tesin. L'è staa istitüii in del mes de Abril del 2010 co la fusion dei ex-cumün de Cavian, Conton, Gera, Indemen, Magadign, Piazzögna, San Nezzee, Sant Abondi e Vira.

Al gh’ha pressapoch abitant (dato del ) e una süperfiss de 51,74 km², e al se tröva a una altitüden de 196 meter sura al livel del mar.

El cumün de Gambarögn a l'è tacaa ai cumün de Alt Malcanton, Scona, Cüreja cun Munviasch (IT-VA), Locarn, Minüs, Rivera, Sigirin, Tendru-Cuntra, Vedasca (IT-VA). Pruverbi in di dialet del Gambarögn Magadin Sant'Ana la 'n vò tri in la sóa fontana. Ben par maa l'è carità, maa per ben l’è crüdeltà. San Nezzee I böö i 's ciapa pai cörn e i sgent par la parola. Cavian Senza i sold i prèved i canta mia messa. I sbali di dotór i è quatä da la tera, qui di sciori i è quatä di danè. Se ch’u piòv per l’Ascensión, u piòv per tücc i messón. Sant Andrea l’è un gran ladrón, Sant Antoni l’è un bon padrón. Quand ch'u gh'è la festa, u ‘s taca sü el caldirö dra carn per tücc. Tücc i cürèd i loda la sóva cüria. Chi che cüsiss mia bögin, u cüsiss pö bögión.

Gera Com l’è l'arbor, i è i früit. Par fä ona bona mort, bégna tegnì amis änca el bao. Castegn dó ch'i ‘n fa e legnà dó ch'i ‘n da. La nev che vegn prima da Santa Catarina la torna nä fign sóla scima. Tòo miee e crompä cavai, sara i ögg e recomändet a Dio. Lassä nä i cämp a códighe e i dònn a fä la scióra a 's fa prest. Col mengiänd e col bivend o 's comeda el temp. Grama quela cà che de végg na la sa. In cà o gh'è sempro di guai quand la dona la porta i bragh e l'om el scossä. Chi dai chevii róss, chi na i pratéga i na i conóss. Cavò 'l dincc, cessò 'l dolór. O 's pò mia pretend da cavä sängh da un mür. El cör e l'ögg i vòo la sò part. L'ann bisest l'è l'ann da tücc i pest. Prima da creä el gnel, el Signór el crea el motarel. Questa l'è la resón del bechee, che a tò la carn o 'gh va i danee. Legn da fò e carn da bò, i 'n dròva e i 'n mangia chi che pò. Carn ch'a créss la mängie daspéss.

Vairan A var püssee un asan viv che un dotór mört. Óm alegro el ciél l’aiüta. Chi che gh'ha el nas voltò vers la testa, i è cativ come la pesta. Sant Abondi Ogni asen u fa el sò verz. Piega l'arbur fin che l'è pinin. El temp di castegn l'è cürt. El can u mangia mai da sò carn. Parola dicia, cuntrat facc. Ogni ann u 'n passa vün. Ai donn u s'egh conta mia i ann.

Galeria de foto

Olter pruget

Categoria:Cumün del Canton Tesin Categoria:Comun del Lagh Magior