L'Agògna (inscì anca in Piemontes; Agogna in Italian; Aconia in Latin; Gogna in d'on quai dialett rural) a l'è on riaa italian piscinin ma longh (140 km), che 'l scorr in Piemont e Lombardia. L'è on affluent de mancina del Pò. In del period napoleònich l'haa daa el nòmm a on dipartiment del Regn Italich. Percors L'Agògna la nass del Mont Mottaron (in la località ciamada Alp Noeuva), in la zòna tra el Lagh Maggior e 'l Lagh d'Òrta, a püssee de milla meter de altezza. La traversa prima la Provincia de Novara, poeu la passa in de la Provincia de Pavia, indove el ciappa i aqui de l'Erbognon e 'l finiss in del Pò. Comun traversaa In Piemont: Briga, Amen, Invò, Bolzan, Gozzan, Borbanee, Curesg, Mom, Caltignaga, Novara, Granòzz, Vispolaa e Borgh Lavezzee. In Lombardia: Nicòrev, Saree, Castell d'Agògna, Olevan, Velezz, Lumell, Galliavola e La Mezzana.
Riferiment
Categoria:Rial del Piemont Categoria:Rial de la Lombardia Categoria:Afluent del Pò