miniatura|La gesa de Santa Maria del Suffragio 'me l'è al dì d'incoeu miniatura|El vegg borgh de Calvairaa (incoeu ghe resta on bell negott) Calvairaa (Calvairate) l'è on quarter de Milan, a sud-est del center istoregh, arent al stradon Corso 22 Marzo-Viale Corsica, che 'l colega al center de la città a l'areoport de Linaa, e poeu in direzion sud (per esempi invers a piazzale Vincenzo Cuoco). El fa part del Municipi 4. Storia El someja che 'l nomm el vegna del latin Mons Calvarius, perchè lì arent a gh'era ona collinetta sora la qual a gh'era ona cappella con su on quader del calvariPierino Boselli, Toponimi lombardi, 1977. In del Medioev el paes l'è staa denter a la piev de Segraa, ma poeu el se n'è destaccaa, e l'è passaa ai dipendenz de la gesa de San Steven a Milan. La soa gesa l'è deventada parocchia in del 1576, dopo de la visita de San Carlo Boromee.Riccardo Tammaro, Borghi e cascine della zona 4, comune di Milano, 2009.. Finna al 1873 l'era on borgh di Corp Sant de Milan (quei de Porta Oriental), cioè quell comun nassuu in del 1757 che 'l tegniva dent tucc i paes che se trovaven appena foeura di mur spagnoeu milanes. Al dì d'incoeu l'è on quarter soratutt residenzial e popolar: del vegg paes l'è restaa proppi negott. El centro del vegg paes a l'è quella che al dì d'incoeu la se ciama Piazza Ferdinando Martini (lì arent de fatt a gh'è anmò la via Calvairaa). In del Parch Marinai d'Italia gh'è staa, del 1911 al 1969 el noeuv Verzee. La parrocchia del paes a l'era la gesa de Santa Maria del Suffragio, che l'è stada fada in del 1577, trada giò e fada su amò del tutt in d'on alter sitt in del 1896 e che on temp la se ciamava Gesa de Santa Maria che la Nass.
Minga delongg de Calvairaa a gh'era la Senavra. Inoltra, la caratteristega pussee importanta de Calvairaa, almanch in del Vottcent, l'eva el fatt che lilinscì a gh'era la giazzera pussee granda de Milan.
Not
Vos corelaa Corp Sant de Milan Senavra Ligamm de foeura Storia de Calvairaa Semper a proposet de Calvairaa
Categoria:Corp Sant de Milan