Freising (Frisinga 'n latì, italià e portoghés; Frisingue 'n fransés) l'è 'na cità todèsca sitüàda 'ndèl Land de la Baviera, 'ndèl distret de l'Alta Baviéra (Oberbayern). L'è 'l capolöch del circondàre omònim.
200px|thumb|left|L'entràda de la catedràl La g'ha abitàncc (dato del ) e la se tróa söl fiöm Isar a 'na vintìna de chilòmetri a nòrd de Mònaco, póch delóns de l'aeropórt internasiunàl de la capitàl bavaréza.
Endèla zòna gh'è stat troàt dei rèscc de l'Età del Bróns, ma gh'è mìa pröe per stabilì 'na continuità de chèl insediamènt lé co l'abitàt de Frigisinga endóche s'ìa stabilìt San Corbinian endèl an 724.
Freising l'è 'n cènter religiùs importànte e l'è séde de diòcezi (Arcidiòcezi de Mònaco e Freising). A Freising tralàlter gh'è stàt fàt prét endèl 1951 e l'è stat vèscof del 1977 al 1982 el Joseph Ratzinger, cioè 'l papa Benedèt XVI.
La cità la vé sö 'ntùren a du còi. Söndèn giü, chèl ciamàt Domberg, gh'è la Catedràl, söl óter, chèl ciamàt Weihenstephan, gh'è la séde stòrica de chèla che l'è cunsideràda la fàbrica de bìra piö ècia del mónt (la Bayerischer Staatsbrauerei Weihenstephan). Tacàt a la fàbrica de bìra gh'è apò a l'Università de Scènse Aplicàde (la Fachhochschule Weihenstephan).
Colegamèncc estèrni
Sit uficiàl Muzèo Diocezà
Riferimèncc
Categoria:Cità de la Baviera