Giusepp "Peppìn" Meazza (Milan, 1910 - Lisson, 1979) l'è staa vun de pussee grand giugador de folber italian. Anca al dì d'incoeu, hinn minga poch quej che disen che l'è staa el pussee grand de tucc i giugador di balon che l'Italia la gh'ha avuu.
El gh'avea vuna manera de giugà al folber che l'era considerada divina, e el Peppino Prisco, che l'aveva vist giugà per tuda la soa carera el disea che el "Pepp" Meazza el giugava comé el Pelé. L'era naa a Milan, 'dree de Porta Tosa, in del 1910, e l'è mort a Lisson de 'n cancher al pancreas in del 1979.http://storiedicalcio.altervista.org/blog/brera_meazza.html L'ha giugaa per l'Inter, che ai so dì la se ciamava anca Ambrosiana, poeu per el Milan e per la Juventus, e infin de la carera per l'Inter ancamò. Cont la nazional l'ha venciuu du Mondial, in del 1934 e in del 1938. L'era anca ciamaa "El Balilla", perche' l'gh'aveva cominciaa a giugà per l'Inter quand l'era vun pinella de 17 agn.
Quand l'è mort, el Comun de Milan el g'ha intitulaa el Stadi San Siro, per ringrazial del luster che'l gh'ha dà al folber de tuta Milan.
Palmarèss Jogador
Titoi nazionai
Campionad italian - 3 titoi Ambrosiana: 1929-1930; 1937-1938; 1939-1940
Coppa Italia - 1 titol Ambrosiana: 1938-1939
Nazional Italiana Campionad mondial - 2 titoi Italia 1934; França 1938
Coppa Internazional - 2 titoi 1927-1930; 1933-1935
Riferiment
Categoria:Nassud a Milan Categoria:Giugador de folber d'Itàlia