Giovanni Bressani l'è nasìt a Bèrghem ai 2 de Zenér del 1489, de 'na famìa nòbil e sciura uriginària de DréraEnciclupedìa Treccani, e l'é mórt a Olmo al Brembo ai 23 de Mars del 1560. L'ìa fiöl de Vincènso de profesiù giüdes e de Maria Tizzoni de urìgin verceléza.
L'era 'n amiradùr de Eràsmo de Ròterdam. Ghe piazìa scrìer dèle pasquinàde che tiràa 'n gir i pulìtich e i comerciàncc; el fàa tacà fò le sò pasquinàde per la sità e pò 'l se ritiràa 'n campàgna per schià le ritursiù.
Òpere La sò òpera l'è cumpunìda de scrìcc en Latì, Toscà e Bergamàsch, ma l'è con chèsta ültema lèngua che le sò poezìe le ciàpa 'na vivacità e 'na spontaneità che 'n latì e 'n toscà 'l gh'ìa mìa. Se tràta piö che óter de cumpuzisiù polémiche e satìriche, sermù per le cerimònie de spùze, noèle, sunècc sö argomèncc de ògna sórt che par che 'l fès recità 'n piàsa dei cantambànchEnciclupedìa Treccani. El Bressani el definìa 'l sò Bergamàsch "tum quod rara tum quod ridicola". 'Na racòlta dei sò vèrs l'è stàda stampàda e püblicàda dòpo che l'éra mórt, endèl 1574 a BrèsaTumuli tum latina tum etrusca tum bergomea lingua compositi, Brèsa, Turlini 1574, col tìtol: Tumuli tum latina tum etrusca tum bergomea lingua compositi.
Pasquinada La Pasquinada a l'é trascriìda de Umberto Zanetti. El prensépe:
A fó la crida da part dol Bressà, sovè de quèl chi compón vèrs divèrs, che chi con ànim malign e pervèrs i sò composissió vörà biasmà,
A ü forestér El prensépe:
Perchè l' m'è stàcc refèrt t'é büt a dì che in dol nòst Bèrghem no s' sà fà ü sonèt chi sì zentìl e bó e chi s' pòssi mèt a parengó de quèi di citadì,
I olcèi de gàbia El prensépe:
I olcèi de gàbia, sovè cantarì, come gasi, merlòcc, lódi, stornèi, lisignöi, ocanèi, durcc, ravarì, calandri, lögarì e assé ótr' olcèi,
Contro i cattivi poeti El prensépe:
A i saràv lór pò da fì sciafinàt, costór ch'i mèt fò vèrs püblicamét ch'in sìlabi, paròli o sentimét è defetós, gnè è cöndìt o salàt.
Riferimèncc bibliogràfich Region Lombardìa - Antologia della poesia nelle lingue e nei dialetti lombardi Interprogèt lmo.wikisource Epitafio di Francesco Petrarca
Nòte
Categoria:Poeta lombard Categoria:Autor in lombard Categoria:Nassud a Berghem