El nuzin l'è un licur tipigh emilian. Nezessari 1 liter de alcol; 23 nus amò zerb; 2 gram de canela; 9 cioo de garoful; üna gratadìna de nus muscada; la pel d'ün limun minga trataa; ses eti de zücher; 400 cl de aqua;
Preparaziun I nus amò crüdei a i va cataa la nocc del San Giuan Batista (23-24 de giögn) da la persuna stessa (om o dona) che la farà sö el licur. I nus a i van resentaa sota l'aqua curent, pö despö s'cepaa in quater tuchei e metüü a maserà in de l'acol in d'ün vas de veder bel grand la nocc medema. El dé adree ghe se giunten là i spezzi e la pel del limun. El vas el le va sistemaa sura ün scoss a rebatun del Sù e s'gigutaa töcc i dé fina al 3 de agost. Adess gh'è de fà nà fö el zücher in de l'aqua teveda e lassà surà el scirop prema de giuntàghel là al licur. Met amò el vas al Sù per alter des dé e regurdàss de s'gigutàl semper sö. Filtrà töt in d'üna buteglia de veder scür e specià almanch fina al 3 de nuember prema de bevel. Se se gh'ha la pascienza de specià Nadal el sarà amò mej. Categoria:Cusina