La Val Malench (Valmalenco) l'è voeuna di vai laterai de la Valtellina pussee important. La scomincia on poo pussee sora de Sondri e l'è longa quindes chilometri. L'è traversada del Maller che 'l nass del Pizz del Forno e che poeu el ghe va dent a l'Adda arent a Sondri. El Maller el toeu sù i aqui de on bell poo de riaa: la Ventina, el Sisson, la Vazzeda, la Valbona, la Piroeula, el Lagazzoeu, el Nevasch, el Forasch, el Brasciasch, el Paluett, el Rovinee, la Sassersa, el Sgiumellin, la Lanterna, el Scerscen, el Cormor, el Largon, l'Aquanegra, el Pallin, el Torregg, el Sfrisighee, el Valdon e l'Antognasch. La vall la catta dent i comun de Gesa, Lanzada, Caspoeugg, la Torr e Spriana. I mont I mont pussee important de la vall a hinn: Pizz Zupò - 3.996 meter Pizz Rosegh - 3.937 meter Mont Desgrazzia - 3.678 meter Scima de Ross - 3.369 meter Pizz Scarin - 3.323 meter Pizz Cassandra - 3.226 meter Pizz del Forno - 3.214 meter Vetta de Ron - 3.137 meter Pizz Cancian - 3.103 meter