drita|150px|miniatura Proèze, (nòm uficiàl en italià: Provezze) l'è 'na frasiù del cümü de Proài d'Izé en pruvìncia de Brèsa. La g'ha presapóch 1150 abitàncc e la se tróa 'n mès a le culìne de la zòna nord de la Franciacürta a 264 méter süra del leèl del mar.
La fà paròchia de per sò cönt e la céza parochiàla l'è dedicàda a San Filàster.
Stória Ai tép dei romàni la fàa part del "pagus" de Izé. Piö tàrde, endèl medioévo, l'è atestàda la sò prezènsa endèla zòna aministràda de la piéf de Izé ma pò l'è stàda dàda 'n donasiù al monastér de RodènchAttilio Mazza, Il Bresciano - Volume II. Le colline e i laghi, Bèrghem, Editur Bortolotti, 1986, pp. 241-243.
Le prìme testemognànse de 'n cümü 'ndependènt i è del sècol XIIIAttilio Mazza, Il Bresciano - Volume II. Le colline e i laghi, Bèrghem, Editur Bortolotti, 1986, pp. 241-243. Segónt l'Estimo Visconteo del 1385 l'ìa asegnàda a la quàdra de GösàchLombardiaBeniculturali - Comune di Provezze (sec. XIV - 1797).
Endèla Descrisiù Generàl del 1764, el cümü 'l fàa part de la quadra de Izé e del cümü fàa part apò a la comunità del Fantécol. En chèsto docümènt el cümü l'ìa segnàt col nòm Provese e Fantecolo LombardiaBeniculturali - Comune di Provezze (sec. XIV - 1797).
Endèl 1810 el cümü el vé tiràt vià e 'l teretóre de Proèze e Fantécol l'è asegnàt a chèl de Montezèi, el turnarà a ìga la sò 'ndependènsa comünàla quan che la pruvìncia de Brèsa l'è nìda a fa part del regn Regn Lombardo-Veneto, co la nutificasiù del més de febrér del 1816. El vegnarà però suprimìt amò 'na ólta 'ndèl quàder de la reorganizasiù de le aministrasiù locài mitìda 'n òpera endèl 1928 e 'l sò teretóre agregàt staólta al cümü de Proài d'Izé.
Riferimèncc
Categoria:Franciacurta Categoria:Frazzion di comun de la Provincia de Bressa