La Malaysia (ciamada anca Malesia; مليسيا in males) a l'è un paes de l'Asia süd-urientala.
A l'è tacada a la Thailandia, a Singapur, al Brunei e l'Indunesia. La capital a l'è Kuala Lumpur. La gh'ha una süperfiss de 329.750 km² e una pupulaziun de pressapoch 27 miliun d'abitant.
Geugrafia La Malaysia a l'è fada de dü part: la Malaysia ucidentala, in del toch meridiunal de la penisula de la Malesia; la Malaysia urientala, in del toch setentriunal de l'isula del Borneo.
Urganizaziun pulitiga La Malaysia a l'è una munarchìa federala eletiva. Fan part de la federaziun 13 stat e 3 distret federaj. I stat federaj a hinn Perlis (*), Kedah (*), Penang, Perak (*), Kelantan (*), Terengganu (*), Pahang (*), Selangor (*), Negeri Sembilan (*), Malaca, Johor (*) (in Malaysia ucidentala), Sarawak e Sabah (in Malaysia urientala). I distret federaj a hinn Putrajaya, Kuala Lumpur (an Malaysia ucidentala) e Labuan (in Malaysia urientala). El cap de la federaziun (Yang di-Pertuan Agong in lengua malesa) l'elegen per un periud de 4 agn i 9 sültan di stat federaj segnaa de sura cunt un (*) (i alter stat gh'hann un guvernadur che'l vuta minga). In del 2019 hann elegiüü Yang di-Pertuan Agong, el sültan de Pahang, Abdullah al-Haj. El Prim Minister a l'è l'Muhyiddin Yassin (del 2020).
La Malaysia la fa part del Commonwealth.