Carpenédol (en Italià: Carpenedolo), l'è 'n cümü de de la Pruvìncia de Brèsa sitüàt endèla Bàsa Bresàna orientàla a 26 km a sudèst de la cità de Brèsa, söla spónda mansìna del Cés. L'è 'l paés piö orientàl de la Bàsa Bresàna e 'l cunfìna con la Pruvìncia de Màntoa.
Na segür e dò spàde de bróns ensèma 'n quac rèst de ceràmiche le testemògna de la prezènsa de l'òm endèl teretóre de Carpenédol zamò 'ndel'età del Bróns. Póc se sà 'nvéce de la prezènsa dei Gài Cenòmani en chèsta zòna. Se pènsa che i romàni i gh'ìes stabilìt en castrum per difènder el teretore de le invaziù de le popolasiù bàrbare. Gh'è stat ritroàt dèle làpidi comemoratìve e vutìve con dèle iscrisiù 'nsìma, datàde entùren al sècol II prìma de Crìsto.
Endèl alt mèdioevo el cèntro abitàt l'ìa 'na piéf endèla zòna 'ndoche adès gh'è la frasiù de Tèse. La custrusiù uriginària l'è del sècol V-VI dòpo de Crìsto.
Le prìme nutìsie del paés söi docümèncc i è del sècol XI e de alùra a ègner a adès el paés el g'ha ìt le stèse vicènde che g'ha pasàt apò a Brèsa a la qual l'è stàt sèmper ligàt.
Evulusiù demogràfica
Riferimèncc
Categoria:Bassa bressana