El Game Boy Advance l'è ona console portatil ideada e fada su da la Nintendo. L'è sortida foeura el 21 marz 2001.
Caratteristich Schermo: 40.8mm x 61.2mm da 2,9 pollis LCD a color CPU: 16.78 MHz 32 bit RISC-CPU ARM + Z80 del Game Boy classich RAM: 288 KB VRAM: 96 KB Alimentazion: 2 batterij AA per 15 or de gioeugh
Accessori Per el Game Boy Advance gh'eren di accessori 'me: Game Boy Advance Link Cable, cav per el multigiugador. Adattator Wireless, per giugà in LAN principalment a Pokémon Game Boy Player, per giugà al GBA cont el GameCube Nintendo MP3 Player, per sentì la musica MP3 di sched SD Game Boy Advance Video, per vedè di film cont di cartocc particolar
Gioeugh e concorrenza El Game Boy l'ha vist sia di gioeugh sò sia di riedizion, 'me per el Nintendo 64, di gioeugh a 8 bit del NES e a 16 bit del SNES.
A l'éra in concorrenza cont el WonderSwan Color, el N-Gage e la console open source GP32. L'è stada la prima console Nintendo superiora a la Atari Lynx a nivell hardware.
Variant El Game Boy Advance l'ha vist dò variant principai: El primm, el Game Boy Advance SP, a l'éra a forma de conchilia, 'me i telefonin de l'epoca, e 'l gh'aveva el schermo retroilluminaa. La segonda, inveci, a l'éra el Game Boy Micro, piscininn e senza retrocompatibilità cont el Game Boy original, perchè l'ha perduu el processor Zilog Z80 per quistion de spazzi.
Riferiment Sitt offizial
Alter progett
Vos corelaa Game Boy Advance SP Game Boy Micro Pokémon Mini