El 14 de magg del 2017 gh'è staa i elezion primari de la Liga Nord, i segond in la soa storia, dopo quej del 2013 ch'han menaa a l'elezion del Matteo Salvini a secretari federal del Partii, che poeu han vist el 21 de magg el congress federal del Partii a Parma.
Diritt de vot Per votà e firmà i candidatur boeugna vess SOM, ossia soci tesseraa 'me militant, da almen on ann al 31 de dicember del 2016, e tucc i candidaa i gh'ha besogn de 1000 firmi per vess candidaa.
Candidaa S'hinn candidaa el secretari de prima Matteo Salvini e l'assessor lombard a l'agricoltura Gianni Fava. El programma del Salvini l'è pussee orientaa al destaccà la Lega dal Nord e in del trasformàlla in d'on partii a nivell statal euroscettich, inveci quell del Fava l'è pussee orientaa al Nord e a la question settentrional e contrari al sortì de l'Union Europea.
Appogg A favor del Fava s'è s'ceraa el President de la Liga Umbert Bossi, oltra al president lombard Robert Maron, che l'ha parlaa de "fin de la Liga lepeniana" e 'l deputaa emilian Gianluca Pini.
A favor del Salvini s'hinn s'ceraa senator 'me el Gian Marco Centinaio e 'l vicepresident del Consili Regional de la Lombardia Fabrizio Cecchetti.
Resultaa Candidaa Vot % Matteo Salvini 6 636 82,7 Gianni Fava1 38817,3 Vot valid 8 024 100.0 Null Bianch Total 100.0
Resultaa per region Region Matteo Salvini Gianni Fava 67, 5%32,5% 87%13% 95%5% 78%22% 83%17% 87%13% 83%17% 75%25% 95%5% 100%0% 91%9% TOTAL82,7%17,3%
Reazion La pupart del Partii el s'è compattaa subit cont el secretari elegiuu Salvini, e 'l Gianni Fava l'ha nonziaa de restà in del partii per dà vos ai autonomista e indipendentista de la Liga Nord.
Inveci el President del partii Umberto Bossi l'ha dii de valutà l'addio a la Liga, partii finii, per lu, dopo de la vittoria del Salvini.
Riferiment Lega Nord, primarie il 14 maggio. Congresso il 21 Fava, ho firme,partecipo a primarie Lega
Liga Nord, 2017