La liuteria tradizionala cremonesa l'è un'antiga forma de artejanad tipega de Cremona, indove i è costruids i instruments a arc, come i violin, i viole, i violoncell e i contrabass.
I savir e ol savir far liutare de la tradizion cremonesa (italian: Saperi e saper fare liutario della tradizione cremonese - ingles: Traditional violin craftsmanship in Cremona) l'è deventada part de la lesta dei Patrimoni orai e miga materiai de l'umanità de l'UNESCO Traditional violin craftsmanship in Cremona ind la VII conferenza de Paris del Comitad Intergovernativ. Decision of the Intergovernmental Committee: 7.COM 11.18
Storia La liuteria l'ha començad a desvilupar-s a Cremona ind el XVI secol, grazie a la fameia Amati, pœ evolude coi fameie Stradivari, Guarneri e Bergonzi. Qelle famee qé, qi i lavorava ind i so botege, i se tramandava i secrets de la lavorazion de pader in fiœl. Ol plœ famos dei artista cremones l'è Antonio Stradivari, e la so cà al dé d'incœ l'è deventada un musee, coi so arnes e dissegn orijinai. Saper fare liutario cremonese Nomination file no. 00719
Tenica I instruments a arc i pœl vesser realizads in manera diversa, ma i liuter cremones i ha desvilupad una tenica considerada come unega al mond. La liuteria di Cremona iscritta nella Lista UNESCO del Patrimonio Immateriale
Per ogne strument i è modellads e metids insema a man plœ de 70 divers toc de legn, ognun dei quai al g'ha besogn de una lavorazion diversa sœ la bas de la risposta acustiga qe al g'ha: per qell motiv qé i ga sarà mai duu violin inguai. Ogne part del violin la g'ha de vesser faita con un legn particolar, cernid e stajonad al natural, perqè la so preparazion la pœl miga vesser forzada o faita in manera artifiçala.
I pœl miga vesser dovrads dei parts industriai, e l'è proibid ol dovrar dei vernix a sbrof. Tants elements de l'istrument, qe i somea adoma de veder, i è in realtaa funzionai per l'amplificazion del son o per protejer-l da rotura: dobia carateristica tipega dei prim violin.
Ol liuter al sta dree a tœta la costruzion dei instruments, da l'arbor a la fin: per qest i riva a far sœ adoma dai 3 ai 6 istruments l'ann.
Galleria d'imajin
Tutella L'antiga tradizion de la liuteria cremonesa l'è tutelada da duu organism: ol Consorzio Liutai Stradivari e l'Associazione Italiana Liutaria, qe ie representa plœ de 140 artijan. G'è anc la Scœla Internazional de Liuteria de Cremona, fondada ol 21 de setember del 1938 Scuola Internazionale di Liuteria
Dopo qe l'è stait recognossid da l'UNESCO, l'è stait dervid, ind el 2013, ol musee del violin ind el Palaz de l'Art de Cremona, ristruturad tœt e a l'interen del qual l'è stait realizad un nœv auditorium per scoltar la musiga sonada coi strument realizads ind la citaa. Museo del violino
Riferiments
Ligam de fora Sit ofiçal del Museo del violino
Categoria:Cremona Categoria:Patrimoni de l'Umanità in Italia Categoria:Patrimoni de l'Umanità in la Lombardofonia