La red celer del Canton Tesin a l'è la red ferroviaria regionala del Canton Tesin, e che la conliga el Canton direttament a l'Aeroport de Malpensa e indirettament a Milan.
A l'è fada de ses lign: Cinch gestii de la società Italo-svizzera TiLo e vuna, la linia S60, ferrovia Lugan-Pont Tresa, dij Ferrovie Luganesi.
El center de la red a l'è la stazion de Bellinzona, e 'l coeur la linia S10, che la taja el Canton a mità.
La red intrega a l'è longa 310,2 km e la gh'ha 64 stazion.
Lign LiniaPercorsLonghezzaStazionGestor Bellinzona - Mendris - Stazion de Albaa-Camerlada 120 km 22 TiLo Bellinzona - Locarn 23,5 km 9 TiLo Bellinzona - Malpensa 130,0 km 26 TiLo Vares - Arcisaa - Mendris - Albaa-Camerlada 34,5 km 10 TiLo-Trenord Vares - Arcisaa - Mendris - Bellinzona65,55 km 18 TiLo-Trenord Lugan-Ponte Tresa 12,2 km 12 FLP Giubiasch - Mendris 12 TiLo
Storia L'ideja de on sistema in stil S-Bahn la nass in del 2001, in l'ambit di accord cont l'Italia per el straport transfrontalee. In del 2004 la nass la società TiLo e dal 12 dicember 2004 nassen offizialment i lign S1, S2 e S3.
Dal 13 dicember 2008, in accordi cont la Region Lombardia, i numer a hinn cambiaa per sconfondés no cont i lign del servizzi ferroviari suburban de Milan. La linia pussee importanta la resta la S10, che la interscambia cont la linia S11 de Milan a Ciass e, finna al 2010, a Comm.
In del 2010 a hinn giontaa i lign S40 e S50.
In del 2018, cont la vertura de la Stabio-Arcisaa del 7 de genar 2018 a l'è mudaa el servizzi e la S40 e S50 riven a Vares.
Dal giugn 2018 on treno su du de la S40 el va finna a Malpensa T2, e 'l sostituiss la S30 de la tratta in tra Galaraa e Milan. Con la vertura de la galleria de bas del Monscender i treni servissen puu i stazion intermedi de Lamon, Tavern, Mezzvich e Rivera, per le che l'è fada su la linia S90.
Material rotabil In su la pupart di lign (10, 20, 30, 40, 50) a l'è doperaa l'Elettrotreno FFS RABe 524.
In su la linia 20 a l'è anca doperaa el treno navetta FFS RBDe 4/4.
In su la linia a scartament metrich S60, inveci, a hinn doperaa domà i Elettrotreni FLP Be 4/8 21-25.
Vos correlaa TiLo Servizzi ferroviari suburban de Milan
Alter progett
Categoria:Straport in Canton Tesin Tesin