Leonardo Express a l'è el servizzi ferroviari che 'l conliga la stazion de Roma Termini a l'Aeroport de Fiumicino.
Storia El conligament a l'è attivaa el 27 de magg 1990 in occasion di Mondiaj del Folball, in tra l'Aeroport e la stazion de Roma Ostiense, indova che l'è faa su on Air Terminal. El capoligna a l'è faa su cont ona 'na brev linia e la fa perd importanza a la stazion cittadina che in del 2000 la sara. L'affluenza a l'è subit volta, anca per la soppression de 'n autolinia de la COTRAL.
In del 1993 l'Air Terminal a l'è cavaa via, perchè lontan de la stazion e del terminal di taxi e di bus, e 'l capoligna a l'è mittuu a Tiburtina, pocch dopo sostituida de Termini.
Servizzi El servizzi, classificaa 'me regional velos, l'è cadenzaa ògni 30 menut, cont di pont de 15 in di orari de ponta, del binari 24 de la Stazion Termini. L'è doperaa on biliett special che 'l costa 14€.
El servizzi ferroviari suburban de Roma el gh'ha on servizzi compagn, che però el ferma no a Termini e 'l fa tucc i fermaa regionai, in la linia FL1.
Rotabil In principi el servizzi a l'éra faa cont di carrozz UIC-X trainaa di locomotiv E.464, in livrea ordinaria finna al dicember 2005, quand che hinn staa mittuu cont ona sò livrea.
Dal 11 de dicember 2011 a hinn staa doperaa i Minuetto, sostituii dal luj 2015 di Jazz in composizion aeroportoala.
Galleria di foto
Riferiment Leonardo Express il treno che collega Termini con l'aeroporto: tariffe e orari - RomaToday
Ligamm de foeura Sitt offizial
Vos corelaa Malpensa Express Roma Express
Alter progett
Categoria:Straport a Roma