El SMILE (acronim del todesch Schneller Mehrsystemfähiger Innovative Leichter Expresszug, ossia treno innovativ, espress, svelt, linger e multi-sistema), classificaa di Ferrovij Federai Svizzer RABe 501 Giruno, e, prima, del produttor 'me EC250).
Pensaa 'me treno per la Galleria del Gottard l'è staa ordenaa di FFS in 29 esemplar.
Storia El primm orden a l'è staa faa a ottober 2014 per 29 treni cont opzion per àlter 92.
In del 2016 a l'è staa presentaa a InnoTrans in version redutta a 5 cass e 'l 18 de magg 2017 a l'è presentaa el primm treno complett. El 2 de luj l'ha faa la prima corsa de proeuva in del tunnel a 100 km/h.
Caratteristegh tecnegh El treno a l'è a 11 cass, cont 12 carrej che intramezzen i carrozz, cont sospension pneumategh. Vott ass su 24 a hinn motor. A l'è anca possibel cobbiànn du cont el rampin automategh.
El treno a l'è omologaa per i red svizzer, italian, todesch e austriegh.
Ambient viaggiator L'ambient intèrno a l'è pressurizzaa e partii in prima e seconda class cont 405 pòst settaa. El paviment el gh'ha di zon realzaa a 1'200 mm del pian del ferr e di zon rebassaa a 940 mm del pian. I port a hinn situaa in di zonn ribassaa per facilità l'access. A gh'è dò access apposta per l'entrada autonoma di carrozzell.
El gh'ha dò van per el strapòrt di biciclett.
Galleria di foto
Alter progett
SMILE RABe 501 Giruno