El Tram Edison a l'è staa on modell de tram doperaa in su la red di tram de Milan del 1893 ai primm agn '60.
Storia Creaa de la ditta Edison, che l'ha gestii el tram de Milan finna al 1913, i primm tredes a hinn staa consegnaa in tra el 1893 e 'l 1894, e faseven la córsa sperimental in tra el Domm e 'l Sempion, i àlter hinn staa consegnaa in tra el 1897 e 'l 1912.
N'hinn staa faa su ben 566 e quand che hinn rivaa i primm tram ATM 600 hinn staa semper pussee mandaa in di servizzi minor e cont el rivà di tram ATM 1500 a carrej hinn staa semper puu tolt via del servizzi, e in part demotorizzaa per vess doperaa 'me remorcc e faa monodirezionai.
Retiraa in di agn '60, a hinn staa demolii tucc prima del 1969. El numer 256 l'è recuveraa del Francesco Ogliari e miss in del Musee di straport Ogliari a Ranch finna a la soa saradura in del 2015, quand che hinn sposta a la Malpensa al Musee Volandia.
Semper in di agn '60 a hinn staa reprodutt in scala H0 de la Rivarossi.
Caratteristegh Eren in principi di vettur a ass bidirezionai dotaa de perteghetta: in di ultem period de servizzi eren staa miss monodirezionai.
Galleria di foto
Bibliografia Giovanni Cornolò e Giuseppe Severi, Tram e tramvie a Milano 1840-1987, Milano, Azienda Trasporti Municipali, 1987, pp. 64-73.
Alter progett
Vos corelaa Tram Edison 405-414 Tram Edison 424-433 Tram Edison 416-420 Tram Edison 434-443
Edison