miniatura|drita|La Madóna, San Jüsèp e al BambìAl Presépe di Sabiù l'è an alestimént che sa fa töcc i agn a Crèma an dal quartiér di Sabiù. Dal 1989, l'an quand l'è mòrta la persùna che 'l la creàt, l'è intitulàt a Juàn Algìs (Giovanni Alghisio).
Stòria
Al nóm al vé dal quartiér di Sabiù 'ndu sa tróa al preźépe, an via Rossi Martini.
miniatura|drita|Al mülenérL'idéa l'è nasìda an dal 1989 quand 'na maźnàda da persùne, che dópo le fundarà l'asuciasiù “I amis dal Preźéepe”, i cumincià a cüstrüì i pröm caźòt e col témp i sa slargàcc fin a ocüpà triméla méter quadre da teré.
Al céntro gh'è, natüralmént, la capàna co' la Madòna, San Jüsèp e al Bambì, ma antùrne i g'a tràcc sö dèle baràche che le fa vèd al mùnd da le nóste campàgne an da la pröma metà dal nófcènt. Ògne an i g'a tacàt argóta con mudèi da persùne a grandèsa d'òm e róbe vìre da i témp pasàt catàde sö dapertöt.
Sa pól vèd isé cuma l'éra la cà di cuntadì, le stàle, le butìghe, al paìs da 'n ólta. E gh'è po' töcc i mestér: al mülenér, al frér, l'arutì, la làandéra, la sartùra, al marengù, la bàlia e ótre mestér amò: gh'è püsé da cént mudèi. E gh'è po' al cunvént, la scóla, al cìrco, la fàbrica da campàne e la stasiù. Da sólet sa dérf al preźépe al dé pröma da Nedàl e al stà dervìt fin a la fine da genàr.
Riferiméncc
Pagine tacàde Al presépe
Presépe