Xbox Series X e Xbox Series S

drita|miniatura|X box Series X cont el sò controlladór L’Xbox Series X e l’Xbox Series S (insèma, l’Xbox Series X/S) hinn di consòll de videogioeugh sviluppad de la Microsoft. A hinn stàa tucc e dò mandàa foeura el 10 de november del 2020 come quarta generazión de la famiglia di consòll de l’Xbox, cont el vegnigh adrée a la famiglià de l’Xbox One.

I vos sora la consòll hinn sortìd per la primma vòlta a l’inviada del 2019, con la lìnea in del'insèma, in còdes inscì ciamada "Scarlett", e fada su de modèj de alt e bass livèll ciamàa in còdes "Anaconda" i primm e "Lockhart" i segónd. El modèll de alt livèll l’è stàa presentàa per la primma vòlta in del cors de l’Electronic Entertainment Expo 2019 sòta el tìtol de "Project Scarlett", inveci el sò nòmm e 'l sò progètt come Xbox Series X l’è stàa fà conóss in del cors del The Game Awards pussée tard in del mes de dicember. In del settember del 2020, la Microsoft l’hà fàa conóss el modèll de bass livèll ciamàa Xbox Series S.

La Microsòft l’è ‘drée a dagh la priorità a la resa de la macchina fisica, comprésa ona risoluzión del schèrmo (fin a la risoluzión 8K) insèma a on’alta freguenza di fotogramma, al reitréising in temp reál, e a l’utilizzazion de unitàa de memòria a stat sòlid (SSD) a alta velocità per ridù el temp de caregamént in su l’Xbox Series X. L’”Xbox Series S” el dupera l’istèssa CPU ma ‘l gh’hà de men de GPU, de memòria, de spazzi per l'archìvi de denter e ‘l gh’hà nò de unitàa òttich.

La Microsoft l’è ‘drée a 'vègh per la soa noeuva macchina on pont de vista che 'l ghe varda adrée al giogadór, comprés di aggiornamént a gratis, ch’a hinn di noeuv elaborazión di gioeugh de l’Xbox One miglioràa grazie a l’idèa "Smart Delivery", o ben di gioeugh ottimizzàa per la macchina fisica di seri X/S, e la retrocompatibilità cont i versión indrée del gioeugh, di contròlladór e di accessòri de l’Xbox. La consòll la se vantaggia del servizzi de abbonamènt ai gioeugh Xbox Game Pass, e del claudghéiming a distanza i sui dispositìv mòbil per mèzz de la piattaforma claud de strìming di gioeugh Xbox Game Pass cloud gaming.

Stòria

Presentazion inizial e slanz I vos del settór sora la noeuva macchina de l’Xbox, hann comenzàa a l’inviada del giugn del 2018, cont el Phil Spencer de la Microsoft che ‘l confermava che in quèll momént là l’era ‘drée a "progettà la struttura de la noeuva consòll de Xbox". La macchina l'era ona famiglia de dispositìv cont el nòmm in còdes de "Scarlett", che la gh’aveva denter on modèll men car, con ona enfasi importanta sora ‘l strìming e la retrocompatibilità. Del Marz del 2019, di àlter vos del settór, hànn menàa a fà l'ipòtesi de la sortida di sò consòll de la famiglia Scarlettcont el nòmm in dòdes de "Anaconda" e l'elaborazión de bass livèll "Lockhart".

La Microsoft l’hà confermàa el Project Scarlett a la conferenza stampa de l' Electronic Entertainment Expo 2019. La Microsoft l’hà dii che i voréven on passàgg "dolza" de l’Xbox One al Scarlett, cont el Scarlett che l’era retrocompatìbel con tucc i gioeugh e la pupàrt di hardwér ch'i èren adàtt a l’Xbox One. In del cors de la presentazión al The Game Awards 2019, la Microsoft l’hà fàa conóss officialmént el progètt del Scarlett e la soa marcadura, "Xbox Series X", e anca ona data de sortida in su la fin del 2020. Adrée a l'avvenimént, on portavós de la Microsoft l'hà deciarà che l' Xbox Series X la fàa su on princippi de la quarta generazión di màcchin de l'Xbox, che vegnarànn marcàa domà come "Xbox" senza sottotìtoj.

La Microsoft l’hà pianificàa de internàss in di caratterìstich de la macchina e de slanzà i gioeugh per la Series X sia a la Game Developers Conference (GDC) del 2020 sia a l' Electronic Entertainment Expo 2019, ma tucc e du i avvenimént hinn stàa annullàa per via de la Pandemia de COVID-19. La Microsoft l’hà programmàa di presentazión in su la red in di stèss dì pianificaà in del marz del 2020, inveci la programmarà la presentazión a l’Expo ind on momént adrée. I caratteristich dettagliàa hinn stàa presentàa de la Microsoft, la Digital Foundry e l’Austin Evans de l’Overclock Media in del 16 de marz. A comenzà a magg e a ‘ndà adrée fin al slanz, la Microsoft l’hà pianificàa de fà di àlter avvenimént digitàj sora l'Xbox Series X e i sò gioeugh come part de ona serie "Xbox 20/20". Quèsti i gh'hann denter l'Xbox Games Showcase el 23 de luj del 2020, indoe che hinn rappresentàa soràtutt i gioeugh sò pròpi realizzà di sò Xbox Game Studios (Studi del gioeugh de l'Xbox).

El 16 de Luj del 2020 la Microsoft l'hà nonziàa che l’aveva finìi la produzión de l' Xbox One X e tucc i modèj del tutt digitàj de l’Xbox One S in preparazión di noeuv prodòtt.

L'ipòtesi de l’esistenza de la Xbox Series S l'era giamò stada fada innanz de la presentazión de l’Electronic Entertainment Expo 2019 realizzada sora 'l "Project Lockhart" che l’hà compagnàa el Scarlett, e l'era ona segónda consòll de bass livèll. La conferma del nòmm de l'Xbox Series S l'è stada proeuvada di primm accessòri per la macchina de l'Xbox che 'n quajvun l'era bon de comprà. La Microsoft l'hà annonziàa officialmént la consòll Series S el 8 de settember del 2020, cont el fà savè che la sarìss stada mandada foeura insèma a la Series X a November del 2020. La Microsoft l'hà marcàa su che la Series S l'era stada missa in d'ona manera discrètta in sul sfond di vìdeo de anónzi de l'Xbox precedént cont el Phil Spencer in del cors del luj del 2020.

La macchina fisica Quand che ‘l grupp de l’Xbox la Microsoft l’hà taccàa a lavoràgh adrée al successór de la consòll de l’Xbox One intorna del 2016, l’aveva giamò previst la necessità de ‘vègh du modèj de consòll compàgn che i sò modèj de l’Xbox One X e l’Xbox One S per andàgh incontra ai vari mercàa. Cont el sviluppà tucc e dò i unitàa insèma, i sarìssen bònn de sicurà che i gioeugh sviluppàa sìen bònn de girà in tucc e du i sistèma senza di eccezión. Come l'è stàa d’usanza cont i vègg progètt de l'Xbox, ai consòll gh’hinn stàa dàa di nòmm in còdes fondàa sora i città. L'Xbox Series S l'è stàa ciamàa "Project Lockhart", dela città de Lockhart, inTexas, che Alan Greenberg l'hà dìi che l'era conossùda come "la città piscinina cont el coeur grand".

Per l’alt livèll, l’ Xbox Series X, l'obiettìv primari de la Microsoft l’era quèll de dobbià almén la resa grafica de l’Xbox One X misurada in tèrmin de operazión in virgola mòbil al segónd, e migliorà quatter vòlt tant la velocità de la CPU rispètt a l’Xbox One X cont el mantegnì l’istèssa resa acustica di consòll de l’Xbox One. Come che i ingenée hànn tegnìi in cunt i requisìi de potenza de sodisfà chi caratterìstich chì, i hànn dì che chi part chì surbirìssen su on mucc de potenza intèrna (pressappòch 315W) e avarìssen ingenerà on mùcc de calór.

Quèst l’hà menàa a decìd de spartì i componént in du circùit stampàa in deperlór; vun che’l gh’hà denter la CPU/GPU, la memòria, e i regoladór de la potenza, e ‘na segonda scheda che la fa el mestée de la scheda Southbridge per i procèss de entrada e sortida che van pussée adasi. I sched, montàa in sui fiach oppòst d’on telár de alumini ajùten a creà on canál d’aria per el raffreddamént. I componént che rèsten - el stralattador de calor, la schermadura elettromagnetica, l’alimentadór, l’unitaa òttica, e la ventola de raffreddamént hinn stàa donca organizzàa compagn che ind on tìpichTetris, second l'idèa del progettista principál, el Chris Kujawski, per ‘vègh on fattór de forma compàtt de ona strattura compagn de ‘na torr. Per sodisfà el fattór acustich, el sistèma el gh’hà denter on mucc de sensór per el contròll de la velocità de la véntola, e l’è stada necessaria ona granda avertura de sora de sicurà on bon fluss de aria travèrs el sistèma. Ancabén cèrti elemént, come i unitàa òttich, i requisìi del fluss d’aria e la grandèzza del stralattadór del calór comportàssen cèrti grandèzz che ciàpen part in del fattór de forma complessìv, el grupp de progètt l'è stàa sodisfàa de vèss stàa bon de ottegnì per l'unitàa ona forma quadrada.

Xbox Series X El capp de l’Xbox, el Phil Spencer, l’hàa dìi che la Microsoft l’è era ’drée a tegnìi pussée in cunt ona freguenza di fotograma pussée elevàda e i temp de caregamént pussée curt putòst che ona risoluzión maggiora, raggiùnta de la Serie X cont el cobbià mèj i capacità de la CPU e de la GPU.

L’ Xbox Series X l’è alimentada de ona CPU de 7 nm, la CPU AMD Zen 2 con 8 coeur che gìren a la velocità de 3.8GHz, o semai che ‘l vegna doperà el multitréding simultani (SMT), a 3.6GHz. On coeur de la CPU l’è dedicàa al sistèma operatìv che 'l gh'hà de fpermètt de lavorà. L’unitaa de elaborazion grafica a l’è anca ona unitàa progettada second conforma ai necessità fondada sora l’architettura grafica RDNA 2 de l'AMD. La gh’hà on totál de 56 unitàa de elaborazión (CU) con 3584 coeur, de che 52 unitaa de elaborazión e 3328 coeur che lavoren, a ‘n ritm 1.825GHz. Quèll’unitàa chì l’è bòna de fornì 12 teraflops de potenza de elaborazión. L’unitàa l'è fornida de 16GB de GDDR6 SDRAM, di quàj 10GB che van a la veocità de 560GB/s de vèss doperàa soratùtt cont el sistèma gràfich e i àlter 6Gb a 336GB/s de vèss doperà per di àlter fonzión de elaborazión. Dòpo de avègh tegnì in cunt la programmadura del sistèma, pressappòcch 13,5GB de memòria sarànn disponìbil per i gioeugh e di àlter aplicazión, cont la programmadura de sistèma che el servìss de tràa foeura i dàa domà de l’unitàa che la va pussée adasi. I obiettìv quant a la resa de la Xbox Series X hinn quèj de rivà a ona risoluzion 4K e 60 fotogramma per segónd, con la consòll che l'è pressappòch quatter vòlt pussée potenta de l’Xbox One X. La Serie X l’è bona de sostegnì fin a 120 fotogramma per segónd, e presentà ona risoluzion 8K.

La forma de la consòll Xbox Series X l’è progettada de vèss discrètta e minga tròppa granda. La gh’hà on ingomber orizzontàl de 15,1x15,1 ghèj, la soa altèzza l’è 30,1 ghèj , el sò pes l’è 4,45Kg; quand che l’è missa in posizión verticál, l’unità la pò anca vèss doperada pòsta in sul sò fianch. I sò fonzión che ‘l gh’hà in su la part denánz hinn domà el pulsànt de pizzàla e ona unitàa Blu-ray ultra HD. La part de sora de l’unitàa a l’è on’ùnega véntola potenta. El Spencer l’hà dìi che la consòll l’è tant silenziósa quant l’ Xbox One X. La serie X la gh’hà ona sortida HDMI 2.1, on spazzi bon de slargà l'archivi, trèe pòrt USB 3.1, e 'na pòrta ethernet. La consòll la gh’hà nò denter on blàster a infraross o ona HDMI pass-tró compagn che ind la lìnea Xbox One, invece adatta a l’HDMI-CEC. Ona pèrdita che gh'era prima l’hà suggerìi ona pòrta TOSLINK per l’àudio digitál, ma l’è stata tirada via del progètt finál.

Xbox Series S Quant a la soa macchina l’Xbox Series S l’è paragonàbil a l’ Xbox Series X, compàgn che l’Xbox One S l’è correlàa con Xbox One X, ma la gh’hà men de potenza de elaborazión. La dopera l’istèssa CPU con di freguénz de l'oreloeugg on zicch pussée bass, inveci la dopera ona GPU che la va pussée adasi, ona RDNA2 realizzada a segonda del besògn con 20 unitàa de càlcol a la velocitàa 1.55GHz per 4 TFLOPS, rispètt ai 12 TFLOPS de la Series X. El GH'hà su 10 GB de RAM e ona unità de archivi SSD de 512 GB con ona portada entrada sgregia/sortida de 2.4GB/s, e l’inclùd nissuna unitàa a disco òttich, inscì che l’utént el gh’abìa de ottegnìi tucc i programm de la destribuzión digitàl. la gh'hà el fin de fà diventà tucc i gioeugh nominalmént a 1440p, e de vèss adàtta per la risoluzión 4K, a 60 fotogramma al segónd, ancabén el pòda andà a la velocità de 120 fotogramma per segónd a quèlla risoluzión chì. Diversamént la consòll la gh’hà i istèss fonzión de l’Xbox Series X, comprés i pòrt, i espansión, e suppòrt per i gioeugh.