El Franzesch Bellat (Milan, 1749 – 19 marz 1819) a l'è stad un storegh, poeta e economista lombard.
Biografia Fonzionari del governo austriegh, el studiava i problema monetari e 'l se ocupava anca de storia numismatega. L'è mort a 69 agn e l'è stad miss sota al Foponin, poeu desmetud.
Poesia in milanes
El Bellat l'è cognossud anca per la soa discreta produzzion in milanes, in del 1773, a seguì l'esempi de la traduzzion del Domenegh Balestrer che l'haveva voltad la Gerusalem Liberada l'ha voltad el prim cant de l'Orland inrabid e in tra el 1777 e 'l 1813 l'ha scrivud un poo de poesie che inn rivad poeu al Porta e al dì d'incoeu inn in part descognossud a causa de la perdita de la biblioteca del Porta.
Eneide
Démm, sciori, a trà, che vuj cantav l'istoria de quand che la bon'anema de Eneja, vedend che in Troja i Gregh faven baldoria l'ha tolt su el duu de copp con la fameja; E per quant che per rompegh la zuccoria la fass Giunona, che l'era ona deja per tegnill via d'Italia, per lu in somma, el gh'è rivaa a pientagh el regn de Romma.
Bosin del Borgh di Goss, mè car messee, avii de tramm in ment che per reson quella dea la voreva a tucc i stee tirà el pover Eneja in del merdon; e che motiv la gh'aveva colee de tœù a perzipità quell scior tant bon: che i donn sien pienn de rabbia l'è de fed; ma rabbia d'ona deja, s'hal de cred?
Oeuvere Dissertazione... sopra varie antiche monete inedite spettanti all'Austriaca Lombardia, 1775 Serie de'governatori di Milano dall'anno 1535 al 1776, Milano, Giuseppe Richino Malatesta, 1776.
Alter proget it.wikisource lmo.wikisource Eneide, liber 1
Bibliografia Treccani
Bellat, Franzesch Categoria:Poeta lombard Categoria:Economista lombard Categoria:Storegh lombard Categoria:Nassud in del 1749 Categoria:Mort in del 1819