a l'è un comun de la Cechia, part de la Region de Liberec e del distret de Česká Lípa.
El gh'ha el status de cità. Desgià che la gh'ha dent el territori de la veggia area de adestrament militar de Ralsko, ligada a la Bas Aerea de Hradčany, a l'è el quart comun pussee gross de la Cechia, dopo Praga, Brno e Ostrava, anca se la gh'ha apena 2'114 abitant.
Quell'area militar chi l'ha segnad assee la storia de la cità: fada su di todesch, quand che inn stad casciad el governo cecoslovach el scerniss de fà 'n area militar e, in tra el 1946 e 'l 1950 pussee de 3000 abitant inn stad menad via di so cà per permeter de fàll, e l'è completada in del 1952. Dopo de la primavera de Praga ghe viveven soratut soldad sovietegh cont i so familie, per un total de pussee de 20'000 omen, e gh'eren anca i missil.
Cont el borlà de l'Union sovietega i missil e i soldad inn tirad via e 'l governo el scerniss de toeulla via e donca Ralsko la torna comun. In del 2006, ghe dann el titol de cità.
Riferiment CCRE
Alter proget