El Giulio Bergmann (Milan, 21 de dicember 1881 - 5 de marz 1958) a l'è stad un politegh e avocat italian.
Biografia Fioeul del Giuseppe Bergmann, sgiudee nassuu a Verona de origin austriega, el deventa volontari de artilieria in la prima guerra mondial e l'è poeu elesgiud consejer comunal a Milan e anca president de la sociazzion de quej che hann fad la guerra, ma l'è casciad in del 1925 per i so criteghe a l'azzion antidemocratega del governo Mussolini.
El scapa in Isvizzera quand che gh'è la segonda guerra mondial, a causa di discriminazzion contra i sgiudee, e tornad in Italia l'è nomnad member de la Consulta Nazzional e poeu elesgiud, in di file del Partid Republegan Italian, in la prima legislatura del Senad de la Republega.
El se ocupa soratut de integrazzion europea e de autonomie locai, tant de vesser stad l'ispirator del Moviment Autonomista de la Bergamasca, a l'epoca ciamad "Moviment Auronomie Locai", che ha influenzad soratut in del so europeism. L'è stad anca member de l'assemblea parlamentar del Consej d'Europa, del 1949 al 1953.
Onoreficenze Cros de guerra al valor militar
Riferiment Senato Libreria Digitale Studi legal The Movimento Autonomista Bergamasco and the Lega Nord: continuities and discontinuities
Categoria:Politegh italian Categoria:Nassud in del 1881 Categoria:Mort in del 1958 Categoria:Avocat italian