L'associazion Far Lombard l'è un grup qe al se dedega a la produzion de material de interess editorial in lengua lombarda con l'ortografia Scriver Lombard, fondad ol 18 de otover del 2017. Vun dei fondador l'è l'istess Lissander Brasca, autor de l'ortografia.
Ativitaa L'obietiv de l'associazion l'è la revitalizazion de la lengua lombarda, e la promœv ogne varietaa locala de la stessa. L'ha collaborad a dei projets editoriai, come La Pimpa la va a Milan e 'l fumet Fliça, e anca ol lunari In lombard 2022. A travers del so sit internet la rend disponibel del material de insegnament per l'imprendiment de la lengua e per i s'cietin.
L'ha curad la traduzion in lombard de Telegram (a travers de la piataforma ofiçala de traduzion) e Skype (qest'ultema in manera miga ofiçala), e la mantegn ol dizionari.lombard (ind linia, semper in ortografia SL). La organiza dei conferenze e inconter per i parlants, del viv o ind linia. L'è ativ anca ol Servizi lenguisteg, per consulenze in sui traduzion o in su l'us corret de la grafia.
Riferiments Sit ofiçal Far Lombard - Italia non profit La Pimpa la va a Milan, IBS Fliça: la storia è completa! In lombard 2022 App in lengua lombarda
Categoria:Sociazzion lenguisteghe italiane categoria:Lengua lombarda