El Davide Maria Regazzoni (ciamad Pinin Regazzon; Berghem, 30 de otover 1817 - Berghem, 13 de dicember 1891) a l'è stad un poeta italian.
Nassud in del Regn Lombard-Veneto, l'ha mai fad el soldad perchè 'l gh'haveva una deformità. L'ha lavorad 'me cangeler in la pretura de Berghem e l'ha scrivud vari test teatrai in del so dialet, compagn de ol codicìl del Zio Momolo. L'ha scrivud anca di poesie, che inn mai stade publegade ma che inn regolte in la biblioteca civega del cap-loeugh orobegh.
La soa poesia, retegnuda 'n poo tajada sgiò cont el folciot, la critegava despess el vesch de l'epoca, de sovenz senza capìnn nanca la dotrina, e - pussee a reson desgià che 'l cognosseva ben de dent - la burocrazzia e i tasse del noeuv stat unitari savojard.
Riferiment Davide Maria Regazzoni
Categoria:Nassud in del 1817 Categoria:Mort in del 1891 Categoria:Poeta italian Categoria:Autor in lombard