El Musee de la Scenza e de la Tecnega (pussee formalment Musee nazzional de la scenza e de la tecnologia Leonard De Vinci, in italian Museo nazionale della scienza e della tecnologia "Leonardo da Vinci") a l'è un musee de Milan vert in del 1953 che, cont i so 50'000 m2 de superfiss de esposizzion, a l'è in tra i musee tecnegh-scentifegh pussee grand in Italia, e 'l gh'ha anca la collezzion pussee granda del mond de machine fade su di dissegn del Leonard.
Del 2000 a l'è una fondazzion de dirit privad, fada su del Ministeri de l'Istruzzion, Università e Ricerca e de quell de la Coltura, con dent anca la Region Lombardia, el Comun de Milan e la Cambra de Comercc.
A l'è dent al vegg Monester de San Vitor e arent a la Gesa omonema: un temp el Leonard midem el gh'haveva aproeuv di terren mitud a uga.
Riferiment Sit ofizzial
Alter proget
Scenza