Ol Ivan Goti l’è stacc ü ciclista profesiunista bergamàsch, l‘è de fati de San Pelegrì, paìs de la Al Brembana.
L’è nasìt ol 28 de mas del 1969, l’à tacàt a cór come profesiunista in del 1991 e l’à curìt 'nfina al 2002; l’à enzìt dù Gir d‘Italia in del 1997 e ‘n del 1999 e ‘n totàl l’è stacc öndes dé ‘n màia ròza e dù dé ‘n maia zalda.
In del 1997 quando l’à enzìt ol sò prim Gir d’Italia l’à bataiàt cóntra ol Pavel Tonkov ‘n d’öna sfida de sport de chèle che i rèsta 'n de stòria.
In del 1999 quando l’à enzìt ol segónd Gir d’Italia ol prim l'éra 'l Marco Pantani che però l’è stai fermàt per l’ematòcrit ólt. In de la tapa de l’Aprica ol Ivan Goti gh’è riàt a destacà söl Mortiröl ol Pól Saoldèl e a èns ol Gir.
L’è stacc acüzàt pò a lü de doping, ma pò i à troàt ü bèl negót cóntra de lü e l’è stacc isé asòlto.
I sò vitòrie
1989 Prim al Gir de la Al d'Aosta 1990 Prim al Gir de la Al d'Aosta 1991 Segónt al Gir de l'Emilia e tèrs al Gran Premio Città di Camaiore 1992 23° al Gir d’Italia e tèrs a Subida a Urkiola 1994 16° al Gir d’Italia 1995 5° al Tour de France 1996 5° al Gir d’Italia e l’à enzìt la tapa de l’Aprica del Gir d’Italia 1997 20px Prim al Gir d’Italia, l’à enzìt la tapa 14 del Gir d’Italia e l’à enzìt ol Trofeo Bonacossa 1999 20px Prim al Gir d’Italia e l’à enzìt ol GP Nobili Rubinetterie 2000 19° al Gir d’Italia e l’à enzìt ol Memorial Turi D'Agostino 2001 7° al Gir d’Italia e l’à enzìt öna tapa de la Volta a Catalunya 2002 13° al Gir d’Italia e 23° al Tour de France
Categoria:Ciclista italian Categoria:Nassud in Provincia de Berghem Categoria:Nassud in del 1969