I osei inn un grup de vertebrad a sangh cold che fann su la class dei Aves, caratarizad de di piume, dei ale per sgolà,Treccani un bech senza denc, el fà sgiò dei œuv cont el guss dur, un ischelter linsger ma sgnuss e un cœur a quater camare.Britannica I inn pussee vesin ai retii che ai mamifer.
Tucc i agn, tante spezzi de osei se menen de una banda a l’oltra ind di longhe migrazzion; dei oltre spezzi, inscambi, fann di spostament pussee curt e inregolar. I osei inn di bestie sozziai, e comunighen intra de lor con di segnai visiv e intravers el cant, e gh’hann el costum de spartìss sgiò ind di rozz per menàss in sgir e indà a cazza. La pupart di spezzi inn monogameghe, o ben i formen una cobia de durada intra duu individov che, insema, ghe stann adree per un quaj temp ai osellit quand ch’inn nassud. De norma, i œuv inn fait sgiò ind un gnal e covad insema de la cobia.
Tancc osei vegnen majad de l’hom – compagn di puj e dei anede – e dei olter vegnen tegnud coma di bestiœui domestegh – per esempi i papagai e i canalit. I osei gh’hann un rœul important fiss ind la cultura umana, e figuren despess ind la mitologia, ind el folclor e ind l’art.
Refarenze
Ligam de denter Polenta e osei
Ligam de fœura