El padre Giorgio Maria Faré (Melz, 1972) a l'è un pret e fraa carmelitan descolz italian.
Biografia Nassud a Melz del 1972, el fa el volontari in preson a San Vitor per ses agn prima de la soa ordinazzion a sacerdot: el ciapa la licenza a la Facoltà Teologega de l'Italia Setentrional e 'l se dotora a la Pontifizzia Univeristà Gregoriana de Roma in teologia fondamental.
Del 2009 al 2020 l'è stad dent al consili presbiteral de l'Arcidiocesi de Milan e del 2011 al 2019 secretari e consejer de la Conferenza Italiana Superior Magior de la Lombardia.
El 13 de otover 2024 el dis un'omelia indova che 'l sosten che 'l Benedet XVI l'ha minga renonziad in manera valida al vesser Papa e che donca el Papa Franzesch l'era votad su in manera invalida: per quella reson chi el 18 de november l'Orden di Carmelitan Descolz ghe notifica un decret del superior Miguel Márquez Calle per digh che l'è scomunegad e mandad foeura de l'orden. El Padre Faré in d'un intervista l'ha dì che l'ha dad su ricors e i do pene canonich inn suspendud intant che de Roma ghe responden no, vist i canon 1353 e 700 del Codes del Dirit Canonegh e 'l numer 140 capitol III di Costituzzion de l'Orden Carmelitan Descolz.https://www.carmelitaniscalzi.com/wp-content/uploads/2024/11/2024-11-18-IT-Comunicato-Padre-Fare%CC%81.pdfhttps://www.aldomariavalli.it/2026/03/23/la-crisi-della-chiesa-alla-luce-del-mysterium-lunae-il-nuovo-libro-di-padre-fare/
Riferiment
Ligam de foeura Chi è P. Giorgio Maria Faré? Codice di Diritto Canonico, Gli istituti religiosi (Cann. 607-709) Codice di Diritto Canonico, L'applicazione delle pene (Cann. 1341 – 1353)
Bibliografia La Santa Messa nelle due Forme del Rito Romano: Celebrare - Servire - Comprendere, 2013, ISBN 9788884744401 Il sacrificio perfetto, 2016, ISBN 978-8892598331 L’uomo e la Chiesa di fronte alla soglia. Saggio teologico fondamentale sul venire alla fede e sull’esperienza ecclesiale secondo la categoria della liminalità, 2024, ISBN 979-1256391066 «A te darò le chiavi - Fede, magistero e giurisdizione: un'indagine sulla figura del Papa nella Chiesa», 2025, ISBN 979-1223917695 «Ad Validitatem - I Sacramenti sono validi», 2025, ISBN 979-1223954867 «La crisi della Chiesa alla luce del Mysterium Lunae - Come orientarsi tra massoneria, modernismo, movimenti scismatici e gnosi», 2026, ISBN 979-1224435426
Categoria:Nassud in del 1972 Categoria:Ceregh catolegh italian