La Federazzion de Bosnia e Erzegovina (in croat, serb e bosniach Federacija Bosne i Hercegovine) a l'è vuna di do entità che fann su la Bosnia e Erzegovina, l'oltra l'è la Republega Serba: spartida in des canton con di governi autonomi, ghe viven soratut croat e bosgnach.
L'è stada fada su del 1994 di acord de Washington, che hann mitud fin a la guerra in tra i croat e i bosgnach e l'ha vert una fas costituenta tirada inanz fina al 1996: incoeu la gh'ha donca un governo e vari servizzi autonom e la gh'ha havud anca una soa armada, tacada poeu a quella di serb insì de andà dent al Paternariad per la Pas de la NATO.
I des canton che la fann su inn: Una-Sana, Posavina, Tuzla, Zenica-Doboj, Podrinje bosniach, Bosnia Central, Erzegovina-Narenta, Erzegovina Ocidental, Sarajevo e 'l Canton 10, che i croat el ciamen Herceg-Bosna, nom che però l'è stad deciarad incostituzzional de la Cort Costituzzional, e ofizzialment el gh'ha domà el so numer.
Formalment la gh'ha el distret de Brčko in condomini con la Republega Serba, ma in di facc a l'è una soa entità deperlee.
Ligam de foeura Sit ofizzial
Alter proget
Categoria:Bosnia e Erzegovina