La Gagauzia a l'è un'unità autonoma territorial de la Moldavia che ghe viven soratut i Gagauz, popolazzion turca de religion ortodossa: el territori, rivad sota l'Union sovietega, l'è tacad a la RSS Moldava e del 1990 el deciada l'independenza 'me Republega Gagauza, dopo che el governo de Chișinău l'haveva deciarad el romen 'me lengua ofizzial e gh'era la pagura che 'l Paes el se tacàss a la Romania e gh'era stada 'na proclamazzion de autonomia: l'independenza però l'è stada minga recognossuda de la comunità internazzional e infin, del 1994, se riva a un acord per metéla denter a la Moldavia cont un status special d'autonomia, che 'l ven in vigor el 14 de sginer 1995, che in Gagauzia l'è un dì de festa.
El territori l'è fad su de trii distret che inn spartid in quater enclave in del territori moldav: gh'è un governador e 'n Assemblea Popolar, che la gh'ha el dirit de desvilupà la politega de dent e de foeura de la Moldavia, e l'autonomia l'è recognossuda de la Costituzzion de la Moldavia. In del cas che la Moldavia la se tacàss a la Romania, la gh'ha el dirit de autodeterminazzion.
Ligam de foeura Sit ofizzial
Alter proget
Categoria:Moldavia