El Carlo Conti (Lugan, 22 avril 1836 - Lugan, 28 de fevrer 1900) a l'è stad un politegh, avocat e poeta svizzer, gran consejer e consejer de Stat del Canton Tesin cont el Partid Conservador Cristian.
Biografia Fioeul del Giovanni Battista Conti e de la Francesca della Torre, el studia al Collegio Papio de Ascona e poeu, in Italia, a Massa e a Roma e infin a Pisa, indova che 'l se dotora avocat.
El torna a Lugan per prategà e poeu el va dent in politega e, insema al Leone de Stoppani, l'insubiss de tacà insema i partid conservador e liberal e 'l sarà vun di fondador de la società Pio IX, dedicada al spantegà del savè e de la coltura catolega in Svizzera.
Del 1873 l'è fad giudes istrutor e del 1878 al 1884 l'è member del Consili de Stat, che el presed del 1880: del 1884 al 1894 l'è procurador publegh e infin, del 1890, ghe va dent a l'Union Democratega Tesinesa.
Atività de poeta El Ferdinando Fontana, in l'Antologia Meneghina, el tira a man 'me poeta dialetal, ma el dis che l'è stad minga bon de otegnì i so test.
Bibliografia Antologia Meneghina, Ferdinando Fontana, 1900, Belinzona Alberto Lepori, Fabrizio Panzera (Hrsg.): Carlo Conti. In: Uomini nostri. Trenta biografie di uomini politici. Armando Dadò Editore, Locarno 1989, S. 18.
Categoria:Nassud in del 1836 Categoria:Mort in del 1900 Categoria:Politegh svizzer Categoria:Poeta svizzer Categoria:Avocat svizzer