La Republega Federal de Jugoslavia (Savezna Republika Jugoslavija in serbo-croat) a l'è stad un paes de l'Europa balcanega in pè del 27 de avril 1992 al 4 de fevrer 2003 e l'era fad su de l'union de la Serbia e del Montnegher.
Del 2003 el cambia carater, de una federazzion a una confederazzion e la ciapa el nom de Serbia e Montnegher, e del 2006 ghe sarà la partizzion final e Serbia e Montnegher tornen di stat independent. El paes el se deciarava stat sucessor de la Republega Socialista Federal de Jugoslavia, roba che i Nazzion Unide hann minga recognossud e donca gh'hann domandad de fà domanda per andàgh denter, ma el governo del Slobodan Milošević l'ha refudad quella vision chi, roba che i ha menad minga a toeu part a l'ONU.
I raport con la comunità internazzional eren propi dur, in tra i guerre jugoslave e la guerra del Kosovo el paes l'è stad sota sanzion economeghe e in tra el 1992 e 'l 1994 l'ha passad un period de iper-inflazzion: el Kosovo, territori serb a magioranza albanesa, el va al center de un conflit che 'l finiss cont una ministrazzion di Nazzion Unide su la provincia, e anca con l'intervent de la NATO e i so bombardament. El governo del Milošević, che in del temp l'era deventad anca autoritari, el mena a la revoluzzion di bulldozer e 'l 5 de otover 2000 el gh'ha de retiràss, e 'l paes el torna a vesser governad democraticament.
Riferiment Dipartiment de Stat Treccani
Alter proget
Categoria:Jugoslavia Categoria:Stat nassud in del 1992 Categoria:Stat finid in del 2003