Кладоропски манастир „Успение на Пресвета Богородица“ () — манастир кај селото Кладороби, Леринско, Егејска Македонија. Влегува во состав на Леринско-преспанско-еордејската епархија на Цариградската патријаршија.
Манастирот е основан на крајот од XVIII век со средства на мештаните и жители на Лерин. Според митрополискиот секретар Васил Трифонов, годината на основање е 1803.
По случаен пожар манастирот изгорел и бил обновен во 1880 г. со трудот на селаните од Кладороби и околните села.
За време на грчката вооружена пропаганда во Македонија на почетокот на XX век манастирот бил запоседнат како седиште на андартските чети во нивната борба против комитите на ВМОРО. Тогаш се подигнати нови конаци со помош од леринските еснафи. Сè до крајот на отоманското владеење останал во патријаршиски раце. Манастирот бил имотен и имал стада овци и крави, како и 7 хектари земја.
По Балканските војни манастирот се запустил. За време на Првата светска војна служел како воена болница за единици на Антантата.
Во 1955 г. Кладоропскиот манастир е обновен од митрополитот Василиј Лерински.
Поврзано Леринско-преспанско-еордејска епархија
Наводи
Категорија:Манастири во Лерин (општина) Категорија:Цркви во Лерин (општина) Категорија:Манастири во Леринско-преспанско-еордејската епархија Категорија:Цркви во Леринско-преспанско-еордејската епархија Категорија:Појавено во 1803 година Категорија:Појавено во 1955 година Категорија:Грчка вооружена пропаганда во Македонија