Сана Мирела Марин (родена на 16 ноември 1985 година) е финска политичарка која ја извршувала функцијата премиер на Финска од 2019 до 2023 година. Член e на Социјалдемократската партија на Финска (СДП), била пратеник во парламентот од 2015 година. По оставката на Анти Рине, Марин била избрана за премиер на 8 декември 2019 година. Преземајќи ја функцијата на 34-годишна возраст, таа е најмладата личност што ја извршувала функцијата премиер во финската историја, како и трет најмлад државен лидер во светот по Дритан Абазовиќ од Црна Гора и Габриел Бориќ од Чиле .
Ран живот и образование Сана Мирела Марин е родена на 16 ноември 1985 година во Хелсинки . Таа, исто така, живеела во Еспо и Пиркала пред да се пресели во Тампере . Нејзините родители се разделиле кога таа била многу мала; семејството се соочило со финансиски проблеми, а таткото на Марин, Лаури Марин, се борел со алкохолизам. Откако нејзините биолошки родители се разделиле, Марин била воспитана од нејзината мајка и партнерката на нејзината мајка.
Марин дипломирала на гимназијата Пиркала во 2004 година на 19-годишна возраст. Марин се приклучила на Социјалдемократската младина во 2006 година и била нејзин прв потпретседател од 2010 до 2012 година Работела во пекарница и како касиерка додека студирала, дипломирала и магистрирала административни науки на Универзитетот во Тампере .
Рана политичка кариера Политичката кариера на Марин започнала на 20-годишна возраст, во годините по нејзиното матурирање, започнува и нејзиното учество во Социјалдемократската младина . Таа првично неуспешно се кандидирала за советник на градскиот совет на Тампере, но била прв пат избрана на изборите во 2012 година .Candidates elected Tampere Ministry of Justice of Finland.
Марин била избрана за втор заменик-претседател на Социјалдемократската партија (СДП) во 2014 година. Во 2015 година, таа била избрана во финскиот парламент како пратеник од изборната единица Пирканма . Четири години подоцна, таа била реизбрана . На 6 јуни 2019 година станала министерка за транспорт и врски .
На 23 август 2020 година, Марин била избрана за претседател на СДП, наследувајќи го Анти Рин .
Премиер на Финска Во декември 2019 година, Марин била номинирана од Социјалдемократската партија да го наследи Анти Рине како премиер на Финска,SDP on valinnut: Sanna Marinista tulee Suomen seuraava pääministeri – suora lähetys menossa, Yle seuraa hetki hetkeltä Yle 8 December 2019 но Рине формално останал лидер на партијата до јуни 2020 година Со тесно гласање, Марин победила над Анти Линдман . Мнозинството од министрите во нејзиниот петпартиски кабинет се жени, броејќи 12 од 19 во времето на формирањето на владата. Таа е трета жена шеф на влада во Финска, по Анели Јатеенмаки и Мари Кивиниеми .
По нејзиниот избор од Парламентот на 34-годишна возраст, таа станува најмладиот премиер на Финска и најмладиот државен лидер во светот.
За време на глобалната пандемија на КOВИД-19 во 2020 година, кабинетот на Марин прогласил вонредна состојба во Финска за да го спречи ширењето на епидемијата . Кога шведскиот премиер Стефан Лофвен не можел да присуствува на состанокот на Европскиот совет во октомври 2020 година поради погребот на неговата мајка, Марин се вклучила да ја претставува Шведска. За возврат, Марин побарала од Лофвен да ја претставува Финска на состанокот на Советот подоцна истиот месец.
Во новогодишното обраќање на почетокот на 2022 година, Марин изјавила дека Финска има право да се приклучи на НАТО доколку сака и треба да ја разгледа оваа опција. Оваа акција предизвикала негативна реакција кај руските медиуми, а некои медиуми пишуваат дека „Москва била прободена во грб“. Во февруари, по руската инвазија на Украина во 2022 година, Марин го коментирала потенцијалното членство на Финска, истакнувајќи: „Сега е јасно и дека дебатата за членството во НАТО во Финска ќе се промени“, истовремено истакнувајќи дека за финската апликација во НАТО ќе бара широко распространета политичка и јавна поддршка.
На 4 март 2022 година, претседателот на Финска Саули Нинисто го посетил Вашингтон за да се сретне со претседателот Џо Бајден и со голем број други американски политичари и безбедносен персонал. На прес-конференција за финските медиуми, Ниинисто изјавил дека на средбата претседателите разговарале за руската инвазија на Украина и нејзиното влијание врз европската и финската безбедност. Понатаму, тие се согласиле за продлабочување на финско-американската безбедносна соработка и билатералните односи. На 12 мај 2022 година, десет недели по почетокот на инвазијата, претседателот Ниинисто и премиерот Марин во заедничка изјава изјавиле дека „Финска мора да аплицира за членство во НАТО без одлагање“, бидејќи таквото членство „ќе ја зајакне безбедноста на Финска“.
На 15 мај, Ниинисто и Марин објавиле дека Финска ќе поднесе барање за членство во НАТО, а на 17 мај финскиот парламент го одобрил предлогот 188-8. На 26 мај, Марин заминала во Киев на покана на украинскиот премиер Денис Шмихал, каде се сретнала со претседателот Володимир Зеленски и ги посетила градовите Ирпин и Буча разурнати од војната.
мини|Марин и шведската премиерка Магдалена Андерсон зборуваат за потенцијалните членства во НАТО на Финска и Шведска во пролетта 2022 година.
Личен живот Во јануари 2018 година, Марин и нејзиниот вереник Маркус Раиконен ја добиле ќерката Ема. Во август 2020 година, Марин и Раиконен, се венчале во официјалната резиденција на премиерот, Кесаранта . Тие живеат во областа Калева во Тампере, но за време на пандемијата од КOВИД-19, тие престојувале во Кесаранта. Марин има изјавено дека, доколку има избор, би се преселила на село.
Марин е вегетаријанец.
Наводи
Категорија:Живи луѓе Категорија:Родени во 1985 година Категорија:Фински политичари Категорија:Премиери на Финска