Свети Ѓорѓи () — црква во селото Субашќој, Серско, Егејска Македонија. Влегува во состав на Серско-нигритската епархија на Цариградската патријаршија.
Историја Црквата е сместена на североисточниот крај на селото. Тука во турско време биле гробиштата, привчно само на источното маало, а а подоцна на целото село. Во 1981 г. се преместени во месноста Продроми. Храмот е изграден во 1925 – 1927 г. на местото на постар храм. Во 1980 г. изгорел во пожар, за во 1982 г. да биде обновен во поголеми димензии.
Крај црквата секоја година на Ѓурѓовден се одржува празникот „Дракоктонија“ — Убивање на змејот. Фестивалот е меѓу највпечатливите во Македонија и се смета за стар. Според месната легенда, некогаш некој змеј ја сопрел водата на сите селски чешми додека селаните не му ја донесат царската ќерка како жртва. Селаните се помолиле на Свети Ѓорѓи, кој се појавил и го убил змејот. На овој празник случката се пресоздава, проследена со обилно јадење и пиење.
Поврзано Серско-нигритска епархија
Наводи
Ѓорѓи, Субашќој Ѓорѓи, Субашќој Категорија:Појавено во 1927 година