Опир () ― река во Украина, во рамките на Стријскиот Реон во Лавовската Област. Таа е десна притока на реката Стриј (днестарски слив).
Географија Реката Опир извира на источната падина на планината Велики Јавирник () во Верховинскиот Масив, јужно од селото Опорец. Се протега помеѓу планините на Сколивски Бескиди, главно на североисток и север. Се влева во реката Стриј помеѓу гратчињата Верхние Синовидни и селото Межиброди. .
Опир е 58 км долга, со големина на слив од 843 км2. Неговиот просечен градиент на проток е 10.4 м/км. Реката тече во долина во облик на V, со ширина што варира помеѓу 150 м и 300 м во долниот тек. Поплавната рамнина е билатерална, понекогаш еднострана, со ширина која се движи од 30 м до 425 м . Бреговите се стрмни и повремено мочурливи. Коритото на потокот е карпесто, со широчина од 10 м до 80 м, и длабочина од 20 см до 120 см. Дното обично е обложено со камчиња од карпатски песочник. Реката ги снабдува со вода населените места и за наводнување на земјоделските површини.
Неодамна, реката стана популарна меѓу туристите кои одат на сплаварење.
Притоки Осум мали реки и 31 поток со вкупна должина од 94.3 км и површина од 21.9 хектари се влеваат во реката.
Десни: Камјанка, Чудилив, Павлив, Хребеновец, Зелемјанка, Цихла, Рожанка, Славка, Хохлински, Писаривка, Опорец. Леви: Закути, Лавочанка, Дубривка, Орјава, Јахистив, Холовчанка, Ровина.
Населби На реката се наоѓаат неколку населби (по редослед од изворот до устието): Опорец, Лавочне, Тернавка, Славске, Тухлија, Хребенив, Сколе, Дубина, Верхние Синовидне.
Галерија
Наводи
Надворешни врски
Категорија:Притоки на Днестар Категорија:Реки во Лавовска Област Категорија:Статии со извори на украински (uk)