„Декалог 6“ (полски: Dekalog, sześć) или „Краток филм за љубовта“ (полски: Krótki film o milosci) — полски телевизиски филм од 1988 година, во режија на Кшиштоф Кишловски (Krzysztof Kieślowski), кој е и автор на сценариото, заедно со Кшиштоф Пјесјевич (Krzysztof Piesiewicz). Филмот е четвртиот дел од десетте едночасовни филмови на Кишловски, инспирирани од десетте божји заповеди. Главните улоги ги играат: Гражина Шаполовска (Grażyna Szapołowska), Олаф Лубашенко (Olaf Lubaszenko), Стефанија Ивинска (Stefania Iwińska), Станислав Гавлика (Stanisław Gawlika), Пјотр Махалица (Piotr Machalica) и Артур Барциш (Artur Barciś).HRT, Dekalog 6, poljski film (пристапено на 24.11.2022) IMDb, A Short Film About Love (1988) (пристапено на 16.5.2018)
Содржина Томек е младо момче кое работи во поштата. Тој е опседнат со убавата Магда која живее во зградата отспротива. Еднаш, тој ѝ признава дека тајно ја набљудува со телескоп. По почетното исмејување, Магда сепак ја прифаќа неговата понуда да излезат заедно. Потоа, таа го кани во својот стан и му дозволува да ја милува, убедувајќи го дека не постои љубов, туку дека сè се сведува на половите односи. Томек доживува предвремена ејакулација и од срам бега дома, каде се обидува да изврши самоубиство, сечејќи ги вените. Кога дознава за несреќата на Томек, Магда сфаќа дека тој навистина ја сака и настојува да го види. Најпосле, го здогледува во поштата, а тој ѝ кажува дека повеќе не ја набљудува ноќе.
Наводи
Категорија:Полски филмови Категорија:Филмови на полски јазик Категорија:Филмови од 1988 година Категорија:Филмови чие дејствие се одвива во Полска Категорија:Филмови на Кшиштоф Кишловски Категорија:Филмови со Гражина Шаполовска Категорија:Филмови со Олаф Лубашенко Категорија:Филмови со Стефанија Ивинска Категорија:Филмови со Артур Барциш Категорија:Филмови со Станислав Гавлика Категорија:Филмови со Пјотр Махалица