Бил Медли (англ: Bill Medley; целосно име: Вилијам Томас Медли анг: William Thomas Medley; роден на 19 септември 1940 во Санта Ана, Калифорнија, САД) е американски пејач и текстописец, најпознат како дел од дуетот The Righteous Brothers. Познат е по неговиот бас-баритон глас, применет во неговите песни како на пример во „You've Lost That Lovin' Feelin'“. Медли продуцирал многу песни за дуото, како „Unchained Melody“ и „(You're My) Soul and Inspiration“.

Медли бил успешен и како соло пејач, а неговиот дует со Џенифер Ворнс „(I've Had) The Time of My Life“ се искачил на прво место на топ листите, бил продаден во преку милион примероци и освоил многу награди.

Ран живот Медли е роден на 19 септември 1940 година во Санта Ана, Калифорнија. Завршил средно училиште во Санта Ана во 1958 година. Бил воспитан како традиционален презвитеријанец, пеел во црковниот хор, а неговите родители имале свинг бенд. Се заинтересирал за R&B музика со слушање на радио станици ориентирани кон црната публика. Навел дека во почетните години бил под влијание на Литл Ричард, а подоцна на Реј Чарлс, Боби „Блу“ Бленд и ББ Кинг.

Медли со неговиот пријател Дон Фидучија формирал дуо наречено The Romancers.. Почнал да пишува песни и да снима песни во неговата дневна соба. На 19 години, имал две песни, „Womaling“ и „Chimes of My Heart“, снимени од вокалната група The Diamonds. Медли и Фидучија во 1960 година формирале група наречена The Paramours, заедно со Сал Фасуло и Ник Тутуро, а подоцна им се придружиле Мајк Рајдер и Бери Рилера. The Paramours потпишале со подружницата на Mercury Records Smash Records, и во 1961 година ги објавувале песните „That's the Way We Love“ и „Miss Social Climber“.

The Righteous Brothers мини| The Righteous Brothers на настап во Knott's Berry Farm, Медли е од десно Медли, преку Бери Рилера се запознал со Боби Хетфилд.Bill Medley (April 24, 2014). The Time of My Life: A Righteous Brother's Memoir. Da Capo Press. pp. 10–11. ISBN 978-0306823169. Во 1962 година тие формирале нова група, но го задржале името The Paramours, а во групата го вклучиле и саксофонистот Џон Вимбер. Тие го издале синглот „There She Goes (She's Walking Away)“ во декември 1962 година преку независната издавачка куќа Moonglow. Сепак, бендот немал успех и набрзо се распаднал, а Хетфилд и Медли од 1963 година почнале да настапуваат како дуо.

Медли и Хетфилд дуото го прекрстиле во The Righteous Brothers, а нивниот прв сингл бил „Little Latin Lupe Lu“ напишан од Медли. Steve Sullivan (October 4, 2013). Encyclopedia of Great Popular Song Recordings, Volume 2. Scarecrow Press. pp. 101–103. ISBN 978-0810882959. Медли, истовремено пробал да се пробие како соло пејач, го објавил синглот „Gotta Tell You How I Feel“, кој не се нашол на топ листите.

Во 1964 година, The Righteous Brothers заедно со други групи учествувале во The Cow Palace во Сан Франциско, каде присуствувал и Фил Спектор. Steve Sullivan (October 4, 2013). Encyclopedia of Great Popular Song Recordings, Volume 2. Scarecrow Press. pp. 101–103. ISBN 978-0810882959. Спектор бил импресиониран од дуото и договорил да снимаат за неговата издавачка куќа Philles Records.

Во 1965 година го имаа својот прв хит бр. 1, You've Lost That Lovin' Feelin', продуциран од Спектор. Според Broadcast Music, Inc., „You've Lost That Lovin' Feelin'“ е најслушана песна во историјата на американското радио.

Со Philles Records снимиле и други песни како „Unchained Melody“.

Дуото во 1966 година го напуштило Спектор и потпишале со Verve Records, со кои го имале хитот „Sоul and Inspiration“, но го раскинале договорот во 1968 година, а Медли продолжил со соло кариера. Во 1974 година стапил во контакт со Хетфилд за да ја возобноват The Righteous Brothers.

Потпишале со Haven Records, ја снимиле „Rock and Roll Heaven“, кој станала хит. Во 1976 година, Медли, по смртта на неговата прва сопруга одлучил да се повлече од музиката одредено време. Повторно се обединил со Хетфилд во 1981 година за специјалната 30-годишнина на American Bandstand. Иако Медли во 1980-тите бил насочен претежно кон неговата соло кариера, дуото продолжило да се појавува заедно.

По возобновената популарност во 1990-тите поради тоа што „Unchained Melody“ била во саунтракот во филмот Ghost, тие како дуо често патувале на турнеи, сѐ до смртта на Хетфилд во ноември 2003 година. The Righteous Brothers биле примени во Куќата на славните од рокенролот во март 2003 година од страна на Били Џоел.

Соло кариера Медли имал релативно успешна соло кариера. Во 1968 година, Медли ја снимил „I Can't Make It Alone“, но песната немала успех. Следните песни, „Brown Eyed Woman“ и „Peace, Brother, Peace“ имале подобар успех на Топ 40 поп хитови. Во 1969 година го освоил второто место на фестивалот Festival Internacional da Canção (FIC) во Рио де Жанеиро со песната „Evie“ од Џими Веб. Медли на Греми наградите во 1969 година ја извел „Hey Jude“ , а потоа потпишал со A&M Records. Една негова песна, „Freedom and Fear“ била номинирана за Греми во 1972 година.

Во 1987 година, неговиот дует со Џенифер Ворнс, „(I've Had) The Time of My Life“, бил вклучен во саундтракот на Dirty Dancing, а песната се искачила на прво место на Billboard Hot 100. За песната Медли и Ворнс во 1988 година освоиле Греми награда за најдобра поп изведба на дуо или група со вокал и Оскар за најдобра оригинална песна за композиторите.

Негови други позначајни песни се „Most of All You“ од филмот Major League; „Friday Night's a Great Night for Football“ од филмот „Последниот извидник“; и тематската песна за ситкомот Зголемена болка. Медли направил видео запис за песна искористена во филмот Рамбо III.

Дискографија

Албуми Година Албум Место на листата Издавач Billboard 200 (САД) Top Country Albums (САД) 1968 Bill Medley 100 % 188 — MGM 1969Soft and Soulful 152 — 1970Gone — — A&M 1970Someone Is Standing Outside — — 1971A Song for You — — 1973Smile — — 1978Lay a Little Lovin' on Me — — United Artists 1980Sweet Thunder — — 1982Right Here and Now — — Planet 1984I Still Do — 58 RCA 1985Still Hung Up on You — — 1988The Best of Bill Medley — — MCA/Curb 1993Going Home — — Essential 2007Damn Near Righteous — — Цртичката — означува дека албумот не се пласирал на листата Синглови Година Песна Највисока позиција на листата Албум US Country US US AC CAN Country CAN CAN AC UK 1968 «I Can’t Make It Alone» — 95 — — 63 — — Bill Medley 100 % «Brown Eyed Woman» — 43 — — 36 — — «Peace Brother Peace» — 48 — — 46 — — Soft and Soulful 1969 «This Is a Love Song» — 112 — — — — — сингл без албум 1979 «Statue of a Fool» 91 — — — — — — Lay a Little Lovin' on Me 1981 «Don’t Know Much» — 88 29 — — — — Sweet Thunder 1982 «Right Here and Now» — 58 31 — — — — Right Here and Now 1984 «Til Your Memory’s Gone» 28 — — 20 — — — I Still Do «I Still Do» 17 — 25 22 — — — «I’ve Always Got the Heart to Sing the Blues» 26 — — 41 — — — 1985 «Is There Anything I Can Do» 47 — — 46 — — — Still Hung Up on You «Women in Love» 55 — — — — — — 1986 «Loving on Borrowed Time» (со Гледис Најт) — — 16 — — — — саундтрак за филмот «Кобра» 1987 «(I've Had) The Time of My Life» (дует со Џенифер Ворнс) — 1 1 — 1 3 6 The Best of Bill Medley 1988 «He Ain’t Heavy, He’s My Brother» — — 49 — — — 25 Цртичката — означува дека албумот не се пласирал на листата

Наводи

Надворешни врски

Интервју со Бил Медли за серијата на WGBH „Rock and Roll: In The Groove“ Дискографија на Righteous Brothers, содржи дискографии на Бил Медли Биографија на Бил Медли на веб-страницата на The Righteous Brothers Бил Медли служи во Одборот на директори на OC Pavilion Интервју со Бил Медли Американскиот бенд на Дик Кларк - Почетна страница на Бренсон

Категорија:Добитници на Греми Категорија:Родени во 1940 година Категорија:Луѓе од Санта Ана Категорија:Пејачи од Лос Анџелес Категорија:Американски пејачи од 21 век Категорија:Американски пејачи од 20 век Категорија:Американски соул пејачи Категорија:Американски кантавтори Категорија:Живи луѓе Категорија:Американски кантри кантавтори Категорија:Бас баритони