Кинен Ајвори Десума Вејанс (роден на 8 јуни 1958 г. во Њујорк) ― американски глумец и режисер. За првпат се истакнал како водител и креатор на хумористичната серија Во живи бои (In Living Color) која се емитувала од 1990 до 1994 година. Продуцирал, режирал и/или напишал сценарио за неколку филмови, почнувајќи од Hollywood Shuffle (1987) каде се јавува како ко-сценарист.
Во многу негови филмови, како глумци се јавуваат неговите браќа и сестри.
Страшен филм (2000) во режија од Вејанс, бил филм со најголема заработка режиран од Афроамериканец дотогаш. Од 1997 до 1998 година, бил водител на ток-шоуто Шоуто на Кинен Ајвори Вејанс. Бил судија во осмата сезона од До последен комичар (Last Comic Standing).
Живот и кариера Кинен Ајвори Вејанс е роден на 8 јуни 1958 година во ЊујоркStated on Finding Your Roots, January 19, 2016, PBS во семејство со 10 деца. Се запишал на Универзитетот Таскеги, но еден семестар пред дипломирањето, го напуштил факултетот за да се посвети на комедијата.
Во 1980 се преселил во Лос Анџелес. Таму почнал да глуми во телевизиската серија За љубов и чест (For Love and Honor). а се појавил и во Хил Стрит блуз (Hill Street Blues).
Вејанс популарност стекнал со филмот Hollywood Shuffle во кој ја толкува главната улога, а исто така се јавува како ко-сценарист. Успехот на филмот му овозможило да собере пари за да го создаде филмот I'm Gonna Git You Sucka. Радиодифузната компанија Фокс на Вејанс му понудиле да води своја емисија.
Вејанс го создал, пишувал сценарио и глумел во емисијата, под наслов Во живи бои (In Living Color), скеч-комедија која се емитувала на Фокс од 1990 до 1994 година.
Филмографија
Наводи
Надворешни врски
Keenen Ivory Wayans at The Interviews: An Oral History of Television
Категорија:Живи луѓе Категорија:Родени во 1958 година Категорија:Американски филмски режисери Категорија:Американски комичари Категорија:Американски ТВ глумци Категорија:Афроамерикански глумци Категорија:Афроамерикански ТВ водители Категорија:Американски сценаристи Категорија:Добитници на Еми награда за ударен термин Категорија:Афроамерикански сценаристи Категорија:Американски глумци Категорија:Американски филмски глумци