Mott the Hoople ― англиска рок група основана во 1969 година во Херефордшир. Првото име на групата било Doc Thomas Group, а откако потпишале со Island Records во 1969 година го сменила името. На почетокот од 1970-тите групата не успеала да се стекне со поширока популарност и немала комерцијален успех. Кога биле на раб на распад, Дејвид Боуви ги поттикнал да останат заедно. Боуви за нив ја напишал глам рок песната „All the Young Dudes“, која станала огромен хит во 1972 година. Потоа, Боуви го продуцирал нивниот истоимен албум (All the Young Dudes), со кој стекнале уште поголем успех.

И покрај кадровските промени, групата ги објавила исклучително успешните албуми Mott (1973) и The Hoople (1974). Фронтменот Ијан Хантер ја напуштил групата во 1974 година, по што продажбата на албуми почнала да се намалува. Групата со постојани кадровски промени постоела до 1980 година. Тие повторно се обединувале во 2009, 2013, 2018 и 2019 година.

Состав

Оригинален состав

Ијан Хантер – вокал, гитара, пијано, хармоника, бас Мик Ралфс – гитара, вокал, оргули, синтисајзери Верден Ален – орган, вокал Пит Оверенд Вотс – бас, вокал, гитара Дејл „Бафин“ Грифин – тапани, придружни вокали, перкусии

Подоцнежни членови

Морган Фишер – клавијатури, придружни вокали, бас Ариел Бендер – гитара, придружен вокал Мик Ронсон – гитара, придружен вокал Реј Мејџорс – гитара, придружни вокали Најџел Бенџамин – вокал, гитара Стив Хајмс – вокал, гитара Џон Фидлер – вокал, гитара, хармоника

Дискографија

Албуми

Mott The Hoople (1969) Mad Shadows (1970) Wildlife (1971) Brain Capers (1971) All The Young Dudes (1972) Rock And Roll Queen (1972) Mott (1973) Hoople (1974) Live (1974) Greatest Hits (1974) Live 30th Anniversary Edition (2004)

Наводи

Библиографија

Mott the Hoople (роман од Вилард Манус)

Надворешни врски

Официјална веб страна Дискографија Mott the Hoople

Харис, Џон. Mott the Hoople: The Dudes abide, The Guardian, 3 септември 2009 година. Преглед на Mott the Hoople at Hammersmith, октомври 2009 година, класичен рок повторно разгледан

Категорија:Англиски глам рок групи Категорија:Музички групи основани во 1969 година Категорија:Музички групи распаднати во 1980 година Категорија:Англиски хард рок групи