Кенет Брус Горелик (англиски: Kenneth Bruce Gorelick; роден на 5 јуни 1956 година), професионално познат како Кени Џи (англиски: Kenny G) ― американски сопран-саксофонист, композитор и продуцент. Кени Џи со продадени над 75 милиони плочи се вбројува во музичарите со најголема продажба на сите времиња.

Живот и кариера Кенет Брус Горелик е роден во Сиетл во еврејско семејство. Започнал да свири на саксофон на 10 годишна возраст.

Почетоци на кариерата На 17 години станал помошник во Оркестарот на Бери Вајт Love Unlimited. Продолжил да свири професионално додека студирал сметководство на Вашингтоновиот универзитет во Сиетл.

Во текот на 1975-1976 година под името Кени Горелик свирел флејта и саксофони со фанк-групата од Сиетл Cold, Bold & Together. Во 1980 година станал член на групата Fusion.Yanow, Scott. "Kenny G Biography". AllMusic. Retrieved April 7, 2007. Подоцна ја напуштил групата под изговор дека ја надраснал.

1980-ти: Соло кариера и албуми Во 1982 година, Кени Џи како солист потпишал договор со Arista Records, откако претседателот на издавачката куќа Клајв Дејвис ја слушнал неговата изведба на „Dancing Queen“ од ABBA.Yanow, Scott. "Kenny G Biography". AllMusic. Retrieved April 7, 2007. Тој го усвоил естрадното име Кени Џи. Неговиот прв студиски албум, Kenny G, бил објавен во 1982 година.

Кени Џи се пробил на музичката сцена во 1986 година со неговиот четврти албум Duotones. Албумот бил објавен во септември 1986 година и ја содржи оригиналната инструментална песна, „Songbird“, инспирирана од неговата одлука да се пресели од Сиетл во Лос Анџелес.Johnson, Connie (June 12, 1987). "Kenny G's hit broke all the rules". Los Angeles Times. Retrieved October 25, 2021.

Кени Џи од средината до крајот на 1980-тите работел со џез и R&B уметници како Џорџ Бенсон, Пети ЛаБел и Арета Френклин. Хит-синглот „Love Power“ од 1987 година, дует на Дион Ворвик со Џефри Озборн во кој Кени Џи се појавува како гостин-саксофонист, се искачил на 12-то место на Billboard Hot 100 и бр. 5 на R&B/Hip-Hop листата.

Кени Џи соработувал со многу музичари, како: Андреа Бочели, Арон Невил, Тони Брекстон, Натали Кол, Стив Милер, Визер, Дадли Мур, Ли Ритенур, The Rippingtons, Мајкл Болтон, Селин Дион, Френк Синатра, Бебел Жилберто и Смоки Робинсон. Под влијание на саксофонистот Гровер Вашингтон Џуниор, неговите албуми обично се класифицираат како смут-џез.

1990-ти Кени Џи има работено на неколку филмски саундтракови, како: Да се умре млад (Dying Young) и Телохранител (The Bodyguard). Песната „Theme for Dying Young “, напишана за тој филм, била номинирана за Греми за најдобра поп-инструментална изведба. Кени Џи учествува во саундтракот за Телохранителот, со Кевин Костнер и Витни Хјустон во главните улоги, со изведба на песните „Waiting for You“ и „Even If My Heart Would Break“. Придонел со негова музика и во филмовите Сенка и Чудо на 34-та улица (Miracle on 34th Street).

Неговиот шести студиски албум, Breathless, бил објавен во 1992 година и со продадени над 15 милиони примероци ширум светот е најпродаван инструментален албум досега. Албумот содржел многу хитови како „ Forever in Love“, за кој ја добил наградата Греми за најдобра инструментална композиција и кој се нашол на топ-листата на Billboard Year-End Hot 100. мини|Кени Џи во 1998 година Кени Џи влегол во Гинисовата книга на рекорди во 1997 година за свирење на најдолгата нота на саксофон воопшто. Кени Џи држел E-flat 45 минути и 47 секунди.

2000-сега лево|мини| Кени Џи свири во Шангај во 2007 година Во 2006 година Кени Џи го објавил единаесеттиот студиски албум на Кени Џи, I'm in the Mood for Love... he Most Romantic Melodies of All Time со препеви на песните од Битлси, љубовна песна од Шекспировите Ромео и Јулија, хит песната од Secret Garden „You Raise Me Up“ и „You're Beautiful“ на Џејмс Блант, како и кинеската балада „Месечината го претставува моето срце“.

Кени Џи бил прогласен за 25-ти најпродаван изведувач во Америка од страна на RIAA, со 48 милиони продадени албуми во САД до 31 јули 2006 година

Тој се појавил во музичкото видео за песната од Кети Пери „Last Friday Night (TGIF)“ како чичко Кени.

Во октомври 2020 година, Weeknd објавил ремикс на популарната песна In Your Eyes со Кени Џи.

Кени Џи придонел за саундтракот на филмот Сунѓерот Боб во 2021 година со неговите преработки на „My Heart Will Go On“, како и „Gary's Song“. Серијата Никелодеон прави пародија од музичарот со ликот Келпи Џи.

Дискографија Студиски албуми

Kenny G (1982) G Force (1983) Gravity (1985) Duotones (1986) Silhouette (1988) Breathless (1992) Miracles: The Holiday Album (1994) The Moment (1996) Classics in the Key of G (1999) Faith: A Holiday Album (1999) Paradise (2002) At Last...The Duets Album (2004) I'm in the Mood for Love...The Most Romantic Melodies of All Time (2006) Rhythm and Romance (2008) Heart and Soul (2010) Namaste with Rahul Sharma (2012) Brazilian Nights (2015) New Standards (2021) Innocence (2023)

Наводи

Надворешни врски

[ Kenny G] на Allmusic

Категорија:Родени во 1956 година Категорија:Живи луѓе Категорија:Американски саксофонисти Категорија:Американски џез алт-саксофонисти Категорија:Американски џез сопран-саксофонисти Категорија:Американски џез тенор-саксофонисти Категорија:Добитници на Греми Категорија:Американци со канадско потекло Категорија:Музичари од Сиетл Категорија:Американски џез-музичари Категорија:Американски џез-композитори Категорија:Еврејски џез-музичари Категорија:Американски музичари од 21 век Категорија:Американски музичари од 20 век Категорија:Статии со hCards Категорија:Статии со краток опис