Yeah Yeah Yeahs ― американскa инди-рок-група основана во Њујорк во 2000 година. Групата е составена од: пејачката и пијанистка Карен О (родена како Карен Ли Орзолек), гитаристот и клавијатурист Ник Зинер и тапанарот Брајан Чејс. Според едно интервју, името на групата потекнува од современиот њујоршки сленг.

Историја

Основање и прв албум (1990-2004) Карен О и Брајан Чејс се запознале како студенти на колеџот Оберлин во Охајо во доцните 1990-ти, каде што Чејс студирал џез на конзерваториумот. Карен потоа се префрлила на Универзитетот во Њујорк и го запознала Зинер. Орзолек и Зинер го основале акустичното дуо Unitard, но набрзо решиле да соноваат „треш, панк, мрачна“ група образувана врз основа на аван-панк групите на кои била изложена Карен О во Оберлин. Откако од групата се повлекол првиот тапанар кој го ангажирале, Чејс му се приклучил на составот.

Групата напишала многу песни на нивната прва проба и за кратко време станале предгрупа на турнеите од Strokes и the White Stripes, со што стекнале одредена популарност на гаражната панк-сцена. Кон крајот на 2001 година, Yeah Yeah Yeahs објавиле истоимено ЕР, под нивната сопствена издавачка куќа. Shifty. На почетокот од 2002 година, групата добила и меѓународно внимание: преку учеството на музичкиот и филмски фестивал SXSW, преку турнејата со Girls Against Boys во САД и со Jon Spencer Blues Explosion во Европа и преку нивната сопствена турнеја во Велика Британија.

Во 2003 година, групата го издала првиот студиски албум, Fever to Tell, кој добил неколку многу позитивни критики и бил продаден во над 750 000 примероци ширум светот. Третиот сингл од албумот, „Maps“, бил често емитуван на радијата за алтернативна музика. Во 2010 година, Rolling Stone ја ставил песната „Maps“ на 386-то место на нивната листа од „500 најдобри песни на сите времиња“. Во октомври 2004 година, групата го издала првото ДВД, Tell Me What Rockers to Swallow. На ДВД-то имало концерт снимен во Филмор во Сан Франциско, сите дотогашни спотови на групата и неколку интервјуа. Подоцна истата година, тие биле прикажани во документарниот филм од Скот Крари, Убиј ги твоите идоли (англиски: Kill Your Idols).

Во ноември 2009 година, NME го оценил Fever to Tell како петти најдобар албум на деценијата.

Албумот Show Your Bones (2005–2007) лево|мини| Карен О во живо на Тим фестивалот во 2006 година Вториот албум од Yeah Yeah Yeahs, Show Your Bones, бил објавен на 28 март 2006 година. Првиот сингл од албумот, „Gold Lion“, бил издаден на 20 март 2006 година, и се искачил на 18-то место на официјалната британска топ-листа за синглови.

Во декември 2006 година, списанието NME го прогласило албумот за втор најдобар албум на годината, а „Cheated Hearts“ се нашла на дессето место на списокот од најдобри песни за таа година. Магазинот Rolling Stone го прогласил албумот Show Your Bones за 44-ти најдобар албум за 2006 година, а списанието Spin го рангирал на 31-то место на нивната топ-листа од 40 најдобри албуми за 2006 година. десно|мини| Карен О и Ник Зинер настапуваат на фестивалот Гластонбери, 2009 година

Албумот It's Blitz! (2008–2009) Следниот албум на Yeah Yeah Yeahs бил издаден во март 2009 година под наслов It's Blitz!. Од албумот биле издадени три сингла: „Zero", „Heads Will Roll" и „Skeletons".

It's Blitz! бил именуван за втор најдобар албум за 2009 година од страна на списанието Spin и на трето место според NME; двете списанија ја прогласиле „Zero“ за песна на годината.

Албумот Mosquito и пауза (2011–2016) Aлбумот Mosquito бил објавен на 16 април 2011 година. Првиот сингл, „Sacrilege", бил објавен на 15 февруари 2013 година. „Despair“ бил издаден како втор сингл на 23 јули 2013 година. лево|мини| The Yeah Yeah Yeahs на концерт во Вентура, Калифорнија, 2013 година Во декември 2014 година, Yeah Yeah Yeahs заминале на пауза. Во 2016 година, групата добила заслуги за пишување на синглот од Бијонсе „Hold Up“. мини|Настапот на Yeah Yeah Yeahs во Corona Capital во Гвадалахара, 2019 година

Враќање на музичката сцена во 2017 На 20 јуни 2017 година, Yeah Yeah Yeahs објавиле дека ќе настапат на фестивалот „Sound on Sound“ во Остин на 10 ноември, додавајќи: „Очекувајте повеќе новости наскоро“ Фестивалот Sound on Sound потоа бил откажан.

На 26 мај 2018 година, Yeah Yeah Yeahs настапиле на фестивалот All Points во Викторија Парк, Лондон.

Реиздавање на Fever to Tell The Yeah Yeah Yeahs објавиле луксузен римастеринг на нивниот прв албум Fever to Tell на 20 октомври 2017 година, преку Interscope / UMe. Содржел претходно необјавени демо-снимки, Б-страни и други реткости од нивните почетоци.

Албумот Cool It Down (2022) На 30 септември 2022 година, групата го издала албумот Cool It Down, нивен прв албум по девет години. На први јуни го издале првиот сингл од албумот, „Spitting Off the Edge of the World“. На 29 септември 2022 година, групата го објавила вториот сингл, „Burning“.

Музички стил Стилот на Yeah Yeah Yeahs се опишува како „арт-рок трио кое направи жесток пост-панк, пријатен за танцување, кое е мешавина од Blondie, Pretenders и Siouxsie and the Banshees“.

Членови на групата

Карен О – пејачка, пијано, клавијатури Ник Зинер – гитара, бас, клавијатури, синтисајзери Брајан Чејс – тапани, удирачки инструменти

Дискографија Студиски албуми

Fever to Tell (2003) Show Your Bones (2006) It's Blitz! (2009) Mosquito (2013) Cool It Down (2022)

Наводи

Надворешни врски

BBC artist page YYY Pins, early list of links to interviews, photos, etc. "Yeah Yeah Yeahs: The Love Cats", Exclaim!

Категорија:Музички групи со женски вокал Категорија:Музички групи од Њујорк Категорија:CS1-одржување: бот: непознат статус на изворната URL Категорија:Музички групи основани во 2000 Категорија:Арт-панк-групи Категорија:Американски инди-рок музички групи Категорија:Американски денс-панк-групи Категорија:Американски арт-рок-групи Категорија:Американски алтернативен рок музички групи Категорија:Музички групи основани во 2000 година